فریبِ ذات سے نکلو جہاں کے سانحے دیکھو
حقیقت منکشف ہوگی کبھی تو آئینے دیکھو
وہی اک اجنبی جس سے تعلّق سرسری سا تھا
ہمارے دل میں ہوتے ہیں اسی کے تذکرے دیکھو
لکھا ہے وقت نے یہ بھی عجیب اپنے مقدّر میں
پلٹنا ہی نہیں جس کو اسی کے راستے دیکھو
ہمیں سمجھو نہ خوش اتنا لبوں کی مسکراہٹ سے
ہماری آنکھ میں پھیلے ہزاروں حادثے دیکھو
تھکے ہارے سے بیٹھے تھے مگر تیری صدا سن کر
شکستہ پا چلے آئے ہمارے حوصلے دیکھو
حقیقت منکشف ہوگی کبھی تو آئینے دیکھو
وہی اک اجنبی جس سے تعلّق سرسری سا تھا
ہمارے دل میں ہوتے ہیں اسی کے تذکرے دیکھو
لکھا ہے وقت نے یہ بھی عجیب اپنے مقدّر میں
پلٹنا ہی نہیں جس کو اسی کے راستے دیکھو
ہمیں سمجھو نہ خوش اتنا لبوں کی مسکراہٹ سے
ہماری آنکھ میں پھیلے ہزاروں حادثے دیکھو
تھکے ہارے سے بیٹھے تھے مگر تیری صدا سن کر
شکستہ پا چلے آئے ہمارے حوصلے دیکھو
Comments
Post a Comment