Urdu Duniya اُردو دنیا

آج یوں موج در موج غم تھم گیا، اس طرح غم زدوں کو قرار آگیا جیسے خوشبوئے زلفِ بہار آگئی، جیسے پیغامِ دیدارِ یار آگیا جس کی دید و طلب وہم سمجھے تھے ہم، رُو بُرو پھر سرِ رہگزار آگیا صبحِ فردا کو پھر دل ترسنے لگا ، عمرِ رفتہ ترا اعتبار آگیا رُت بدلنے لگی رنگِ دل دیکھنا ، رنگِ گلشن سے اب حال کھلتا نہیں زخم چھلکا کوئی یا کوئی گُل کِھلا ، اشک اُمڈے کہ ابرِ بہار آگیا خونِ عُشاق سے جام بھرنے لگے ، دل سُلگنے لگے ، داغ جلنے لگے محفلِ درد پھر رنگ پر آگئی ، پھر شبِ آرزُو پر نکھار آگیا سر فروشی کے انداز بدلے گئے ، دعوتِ قتل پر مقتل شہر میں ڈال کر کوئی گردن میں طوق آگیا ، لاد کر کوئی کاندھے پہ دار آگیا فیض کیا جانیے یار کس آس پر ، منتظر ہیں کہ لائے گا کوئی خبر میکشوں پر ہُوا محتسب مہرباں ، دل فگاروں پہ قاتل کو پیار آگیا فیض احمد فیض

فیض احمد فیض کے کلام سے پھر حریفِ بہار ہو بیٹھے جانے کس کس کو آج رو بیٹھے تھی، مگر اتنی رائیگاں بھی نہ تھی آج کچھ زندگی سے کھو بیٹھے ساری دنیا سے دور ہو جائے جو ذرا تیرے پاس ہو بیٹھے نہ گئی تیری بے رخی نہ گئی ہم تری آرزو بھی کھو بیٹھے فیض ہوتا رہے جو ہونا ہے شعر لکھتے رہا کرو بیٹھے

شرح بے دردیِ حالات نہ ہونے پائی اب کے بھی دل کی مدارات نہ ہونے پائی پھر وہی وعدہ جو اقرار نہ ہونے پایا پھر وہی بات جو اثبات نہ ہونے پائی پھر وہ پروانے جنہیں اذنِ شہادت نہ مِلا پھر وہ شمعیں کہ جنہیں رات نہ ہونے پائی پھر وہی جاں بہ لبی لذّتِ مے سے پہلے پھر وہ محفل جو خرابات نہ ہونے پائی پھر دَمِ دِید رہے چشم ونظر دِید طلب پھر شبِ وصْل مُلاقات نہ ہونے پائی پھر وہاں بابِ اثر جانئے کب بند ہُوا پھر یہاں ختم مناجات نہ ہونے پائی فیض سر پر جو ہر اِک روز قیامت گُزری ایک بھی روزِ مکافات نہ ہونے پائی فیض احمد فیض

نہ گنواؤ ناوکِ نیم کش دلِ ریزہ ریزہ گنوا دیا جو بچے ہیں سنگ سمیٹ لو تنِ داغ داغ لُٹا دیا مرے چارہ گر کو نوید ہو صفِ دُشمناں کو خبر کرو جو وہ قرض رکھتے تھے جان پر وہ حساب آج چُکا دیا کرو کج جبیں پہ سرِ کفن مرے قاتلوں کو گماں نہ ہو کہ غرورِ عشق کا بانکپن پسِ مرگ ہم نے بھلا دیا اُدھر ایک حرف کہ کُشتنی یہاں لاکھ عذر تھا گفتنی جو کہا تو سُن کے اُڑا، دیا جو لکھا تو پڑھ کے مٹا دیا جو رُکے تو کوہِ گراں تھے ہم، جو چلے تو جاں سے گزر گئے رہِ یار ہم نے قدم قدم تجھے یادگار بنا دیا فیض احمد فیض

::::: انتظار :::::: گزر رہے ہیں شب و روز تم نہیں آتیں ریاضِ زیست ہے آزردۂ بہار ابھی مرے خیال کی دنیا ہے سوگوار ابھی جو حسرتیں ترے غم کی کفیل ہیں پیاری ابھی تلک مری تنہائیوں میں بستی ہیں طویل راتیں ابھی تک طویل ہیں پیاری اداس آنکھوں تری دید کو ترستی ہیں بہارِ حسن ، پہ پابندیِ جفا کب تک؟ یہ آزمائشِ صبرِ گریز پا کب تک؟ قسم تمہاری بہت غم اٹھا چکا ہوں میں غلط تھا دعویِ صبر و شکیب، آ جاؤ قرارِ خاطرِ بیتاب، تھک گیا ہوں میں فیض احمد فیض

ہو نہ ہو اپنے قبیلے کا بھی کوئی لشکر منتظر ہوگا اندھیرے کی فصیلوں کے اُدھر ان کو شعلوں‌کے رجز اپنا پتا تو دیں‌گے خیر، ہم تک وہ نہ پہنچیں بھی ، صدا تو دیں گے دور کتنی ہے ابھی صبح ، بتا تو دیں گے فیض احمد فیض

ﺟﺲ ﺯﻣﯿﮟ ﭘﺮ ﺑﮭﯽ ﮐﮭﻼ ﻣﯿﺮﮮ ﻟﮩﻮ ﮐﺎ ﭘﺮﭼﻢ ﻟﮩﻠﮩﺎﺗﺎ ﮨﮯ ﻭﮨﺎﮞ ____ﺍﺭﺽ ﻓﻠﺴﻄﯿﮟ ﮐﺎ ﻋَﻠَﻢ ﺗﯿﺮﮮ ﺍﻋﺪﺍ ﻧﮯ ﮐﯿﺎ____ ﺍﯾﮏ ﻓﻠﺴﻄﯿﮟ ﺑﺮﺑﺎﺩ ﻣﯿﺮﮮ ﺯﺧﻤﻮﮞ ﻧﮯ ﮐﺌﮯ, ﮐﺘﻨﮯ ﻓﻠﺴﻄﯿﮟ ﺁﺑﺎﺩ ﻓﯿﺾ ﺍﺣﻤﺪ ﻓﯿﺾ

  Gar mujhey iska yaqeeN ho mere humdum, mere dost gar mujhey iska yaqeeN ho ke tere dil ki thakan teri ankhooN ki udasi, tere seeney ki jalan meri dil_jooi, mere pyar se mit jaey gee gar mera harf-e-tasalli voh dava ho, jis se ji uThey phir se tera ujd.ra hoa bai_noor diyar teri paishanee se dhul jaiN yeh tazleel ka daagh teri beemar javani ko shifa ho jaey gar mujhey iska yaqeeN ho mere humdum mere dost rooz-o-shab, shaam-o-sehar maiN tujhey bhelata rahoon maiN tujhey geet sunata rahoon halkey sheereen absharoon ke, baharoon ke, chaman_zarooN ke geet amad-e-subh ke, mehtaab ke, sayyarooN ke geet tujh se maiN husn-o-mohabbat ki hikayaat kahooN jaisey maghroor haseenaooN ke barfaab se jism garm hathoon ki hararat se pighal jatey haiN jaisey ik chehrey ke Thaihrey hoey manoos naqoosh dekhtey dekhtey he badal jatey haiN kis tarah aariz-e-mehboob ka shafaf baloor yakbayak baada-e-ahmer se dekhak jata hai kaisey gulcheen ke liye jhuktee hai Khud jhuktee hai shaaKh-e-gulaab jis tarah ra...