Yahan har waqt mela rahega

یہاں ہر وقت یہ میلہ رہے گا
مگر یہ دل یونہی تنہا رہے گا


جلیں گے جب تلک یہ چاند تارے
ہمارے عشق کا چرچا رہے گا


یہ دل بھی ڈوب جائے گا کسی دن
چڑھا جب حُسن کا دریا رہے گا

خلاؤں میں زمیں گم ہو گئی ہے
اکیلا آسماں روتا رہے گا

تجھے یوں بھولنا ممکن نہیں ہے
ابھی دل میں تِرا سودا رہے گا

خوشی کی لاش کاندھوں پر اٹھائے
یہ دکھ کا کارواں چلتا رہے گا

ترے آنے کی کیا خوشیاں منائیں
لگا جانے کا جب دھڑکا رہے گا



شاعر: احمد فواد