Urdu Duniya اُردو دنیا

جگنو، گُہر، چراغ، اجالے تو دے گیا وہ خود کو ڈھونڈنے کے حوالے تو دے گیا اب اس سے بڑھ کے کیا ہو وراثت فقیر کی بچوں کو اپنی بھیک کے پیالے تو دے گیا اب میری سوچ سائے کی صورت ہے اُس کے گرد میں بجھ کے اپنے چاند کو ہالے تو دے گیا شاید کہ فصلِ سنگ زنی کچھ قریب ہے وہ کھیلنے کو برف کے گالے تو دے گیا اہلِ طلب پہ اُس کے لیے فرض ہے دُعا خیرات میں وہ چند نوالے تو دے گیا محسن اُسے قبا کی ضرورت نہ تھی مگر دُنیا کو روز و شب کے دوشالے تو دے گیا

باغی میں آدمی سے, نہ مُنکر خدا کا تھا درپیش مسئلہ مری اپنی اَنا کا تھا گُم صُم کھڑا تھا ایک شجر دشتِ خوف میں شاید وہ منتظر کسی اندھی ہَوا کا تھا اپنے دُھویں کو چھوڑ گیا آسمان پر بجھتے ہوئے دیے میں غرور انتہا کا تھا دیکھا تو وہ حسین لگا سارے شہر میں سوچا تو وہ ذہین بھی ظالم بلا کا تھا لہرا رہا تھا کل جو سرِ شاخِ بے لباس دامن کا تار تھا کہ وہ پرچم صبا کا تھا؟ ورنہ مکانِ ِتیرہ کہاں‘ چاندنی کہاں؟ اُس دستِ بے چراغ میں شعلہ حنا کا تھا میں خوش ہُوا کہ لوگ اکٹھے ہیں شہر کے باہر گلی میں شور تھا لیکن ہوا کا تھا اُس کو غلافِ روح میں رکھّا سنبھال کر محسن وہ زخم بھی تو کسی آشنا کا تھا  

اپنے احساس کے سب رنگ اتر جانے دو میری امید میرے خواب بکھر جانے دو اپنے آنگن میں چراغوں کو جلائو نہ ابھی میرے آنگن میں سیاہ رات اتر جانے دو بڑی مشکل سےملا ہےمجھےمیرےگھرکاپتہ راستو ! اب تو نہ الجھو۔۔۔مجھے گھر جانے دو جن کے آنے کا بہت شور ہوا تھا ہر سو انہی لمحوں کو چپ چاپ گزر جانے دو میری بربادی کا الزام نہ آئے تم پر میرے حالات کو کچھ اور بگڑ جانے دو  

دلوں کی بات بدن کی زباں سے کہہ دیتے یہ چاہتے تھے مگر دل ادھر نہیں آیا افتخار عارف

عشق پر زور نہیں، ہے یہ وہ آتش غالب کہ لگائے نہ لگے اور بجھائے نہ بنے مرزا غالب

جب خزاں آئی تو لوٹ آئے گا وہ بھی فراز وہ بہاروں میں ذرا کم ہی ملا کرتا ہے احمد فراز

دشت میں پیاس بُجھاتے ہوئے مر جاتے ہیں ہم پرندے کہیں جاتے ہوئے مر جاتے ہیں ہم ہیں سوکھے ہوئے تالاب پہ بیٹھے ہوئے ہنس جو تعلق کو نبھاتے ہوئے مر جاتے ہیں عباس تابش

خواب نگر ہے آنکھیں کھولے دیکھ رہا ہوں اُس کو اپنی جانب آتے دیکھ رہا ہوں کس کی آہٹ قریہ قریہ پھیل رہی ہے دیواروں کے رنگ بدلتے دیکھ رہا ہوں کون مِرے جادو سے بچ کر جا سکتا ہے! آئینہ ہوں، سب کے چہرے دیکھ رہا ہوں دروازے پر تیز ہواؤں کا پہرا ہے گھر کے اندر چُپ کے سائے دیکھ رہا ہوں جیسے میرا چہرا میرے دُشمن کا ہو آئینے میں خود کو ایسے دیکھ رہا ہوں منظر منظر ویرانی نے جال تنے ہیں گلشن گلشن بِکھرے پتے دیکھ رہا ہوں منزل منزل ہَول میں ڈُوبی آوازیں ہیں رستہ رستہ خوف کے پہرے دیکھ رہا ہوں شہرِ سنگدلاں میں امجد ہر رستے پر آوازوں کے پتھر چلتے دیکھ رہا ہوں امجد اسلام امجد

تم مرے دل کی خلش ہو لیکن دور ہو جاؤ ۔۔ یہ منظور کہاں ایک سایا، جو کسی سائے سے گہرا بھی نہیں جسم بھی جس کا نہیں ، دل نہیں ، چہرا بھی نہیں خال و خد جس کے مجھے ازبر ہیں ، دید ۔۔۔ جس طرح کوئی دیکھتا ہو راستہ، شیشے کی دیوار کے پار گفتگو ۔۔۔ جیسے کوئی کرتا ہو اپنے ہی کان میں اک سرگوشی لفظ ۔۔۔ جیسے کہ ہو نظمائی ہوئی خاموشی یہ تعلق ہے بس اک نقش کہ جو ریت پہ کھینچا جائے بادِ حیراں سے اڑانے کے لیے موجۂ غم سے مٹانے کے لیے دشت اس دل کی طرح اپنی ہی تنہائی میں یوں سمٹا ہے جیسے پھیلا تو فلک ٹوٹ پڑے گا اس پر کارواں کوئی نہ گزرا کسی منزل کی طرف گھنٹیاں بجتی رہیں ۔۔۔ نیند کی خاموشی میں شام ہر روز اترتی ہے سرِ جادۂ جاں وہی اک کہنہ اداسی لے کر زندگی ڈوبتی جاتی ہے کسی سرد اندھیرے میں ۔۔ مگر جگمگاتی ہے بہت دور کسی گوشے میں ایک چھوٹی سی تمنا کی کرن سائے کا لمس ہے اس دل کی لگن تم مرے ٹوٹے ہوئے خواب کا اک ذرہ ہو جو مری آنکھ میں چبھتا ہے تو خوں بہتا ہے پھر بھی کھو جاؤ یہ منظور کہاں تم مرے دل کی خلش ہو لیکن ثمینہ راجہ

ہو نہ ہو اپنے قبیلے کا بھی کوئی لشکر منتظر ہوگا اندھیرے کی فصیلوں کے اُدھر ان کو شعلوں‌کے رجز اپنا پتا تو دیں‌گے خیر، ہم تک وہ نہ پہنچیں بھی ، صدا تو دیں گے دور کتنی ہے ابھی صبح ، بتا تو دیں گے فیض احمد فیض

دل درد کا ٹکڑا ہے پتھر کی ڈَلی سی ہے اِک اَندھا کنواں ہے یا اِک بند گلی سی ہے اِک چھوٹا سا لمحہ ہے جو ختم نہیں ہوتا میں لاکھ جلاتا ہوں یہ بھسم نہیں ہوت

بظاہر ایک ہی شب ہے فراق یار مگر کوئی گزارنے بیٹھے تو عمر ساری لگے احمد فراز

اس نے سکوتِ شب میں بھی اپنا پیام رکھ دیا ہجر کی رات بام پر ماہِ تمام رکھ دیا آمدِ دوست کی نوید کوئے وفا میں عام تھی میں نے بھی اک چراغ سا دل سرِ شام رکھ دیا دیکھو یہ میرے خواب تھے دیکھو یہ میرے زخم ہیں میں نے تو سب حسابِ جاں برسرِ عام رکھ دیا اس نے نظر نظر میں ہی ایسے بھلے سخن کہے میں نے تو اس کے پاؤں میں سارا کلام رکھ دیا شدتِ تشنگی میں بھی غیرتِ مے کشی رہی اس نے جو پھیر لی نظر میں‌نے بھی جام رکھ دیا اب کے بہار نے بھی کیں ایسی شرارتیں کہ بس کبکِ دری کی چال میں تیرا خرام رکھ دیا جو بھی ملا اسی کا دل حلقہ بگوشِ یار تھا اس نے تو سارے شہر کو کر کے غلام رکھ دیا اور فراز چاہئیں کتنی محبتیں تجھے ماؤں نے تیرے نام پر بچوں کا نام رکھ دیا احمد فراز

خود سے فرصت ہی میسر نہیں آئی ورنہ ہم کسی اور کے ہوتے تو تمہارے ہوتے لگ گئی اور کہیں عمر کی پونجی ورنہ زندگی ہم تری دہلیز پہ ہارے ہوتے

تم سو گئے تو رات کا سورج بھی سو گیا اب آنکھ کھول دو کہ ذرا روشنی تو ہو

شورش عشق میں ھے حسن برابر کا شریک سوچ کر جرم تمنا کی ______ سزا دو ھم کو احسان دانش

لکھنے والے ہی جان سکتے ہیں لفظ لکھنے میں جو قیامت ھے ۔ Likhny waly hi jaan sakty haen Lafz likhny mein jo qayamat hae

عجب تقاضے ہیں چاھتوں کے بڑی کٹھن یہ مسافتیں ھیں میں جس کی راھوں میں بچھ گیا ھوں اُسی کو مجھ سے شکایتں ھیں شکایتں سب بجا ھیں لیکن میں کیسے اُس کو یقین دلاؤں جو مجھ کو جاں سے عزیز تر ھے اُسے بھلاؤں تو مر نہ جاؤں میں خاموشی کی انتہا میں کہاں کہاں سے گزر گیا ھوں اُسے خبر بھی نہیں ھے شاید میں دھیرے دھیرے بکھر گیا ھوں

اب کون سے موسم سے کوئی آس لگائے برسات میں بھی یاد نہ جب اُن کو ہم آئے مٹّی کی مہک سانس کی خوشبو میں اُتر کر بھیگے ہوئے سبزے کی ترائی میں بُلائے دریا کی طرح موج میں آئی ہُوئی برکھا زردائی ہُوئی رُت کو ہرا رنگ پلائے بوندوں کی چھما چھم سے بدن کانپ رہا ہے اور مست ہوا رقص کی لَے تیز کیے جائے شاخیں ہیں تو وہ رقص میں ، پتّے ہیں تو رم میں پانی کا نشہ ہے کہ درختوں کو چڑھا جائے انگور کی بیلوں پہ اُتر آئے ستارے رکتی ہوئی بارش نے بھی کیا رنگ دکھائے پروین شاکر

جان سینےمیں، نظر آنکھوں میں، دم ہونٹوں پر اک نہ آنے سے ترے، کام ہیں اٹکے لاکھوں

اپنے سینے سے لگائے ہوئے امید کی لاش مدتوں زیست کو ناشاد کیا ہے میں نے تو نے تو ایک ہی صدمے سے کیا تھا دوچار دل کو ہر طرح سےبرباد کیا ہے میں نے جب بھی راہوں میں‌نظر آئے حریری ملبوس سرد آہوں میں تجھے یاد کیا ہے میں نے

ﺗﻢ ﺟﻮ ﮨﻮﺗﮯ ﺗﻮ ﮨﻤﯿﮟ ﮐﺘﻨﺎ ﺳﮩﺎﺭﺍ ﮨﻮﺗﺎ ﮨﻢ ﻧﮯ ﺍﻭﺭﻭﮞ ﮐﻮ ﻧﮧ ﯾﻮﮞ ﺩﮐﮫ ﻣﯿﮟ ﭘﮑﺎﺭﺍ ﮨﻮﺗﺎ ﺗﻮ ﻧﮯ ﺳﻮﭼﺎ ﮨﮯ ﮐﺒﮭﯽ ﮐﺘﻨﺎ ﻣﺤﺒﺖ ﮐﮯ ﺑﻐﯿﺮ ﺭﻭﺡ ﻓﺮﺳﺎ ﺩﻝِ ﻭﯾﺮﺍﮞ ﮐﺎ ﻧﻈﺎﺭﺍ ﮨﻮﺗﺍ

سنتے ہیں اپنے ہی تهے گهر لوٹنے والے اچها ہوا میں نے یہ تماشا نہیں دیکها یہ شہر صداقت بهی عجب شہر ہے شبنم میں نے یہاں ایک شخص بهی سچا نہیں دیکها شاعرہ: شبنم شکیل

حصارِ ذات سے باہر نکل کے دیکھتے ہیں بدلنا گر ہے ضروری بدل کے دیکھتے ہیں انہیں ہے فخر کہ وہ ساتھ ساتھ وقت کے ہیں تو ہم بھی وقت کے سانچے میں ڈھل کے دیکھتے ہیں ----- hisar e zat se baher nikal ke daikhtey hn badalna gr hae zroori badal ke daikhtey hn. unhain hae fakhar,k woh sath sath waqt k hn tu hm bhi waqt k sanchey main dhal k daikhtey hn