Urdu Duniya اُردو دنیا

سن لیا ہم نے فیصلہ----- تیرا اور سن کر' اداس ہو بیٹھے ذہن چپ چاپ آنکھ خالی ہے جیسے ہم کائنات کھو بیٹھے دھندلے دھندلے سےمنظروں میں مگر چھیڑتی ہیں تجلیاں ۔۔۔ ۔۔۔ ۔۔۔ تیری بھولی بسری ہوئی رتوں سے ادھر یاد آئیں۔۔۔ ۔تسلیاں۔۔۔ ۔۔۔ ۔تیری دل یہ کہتا ہے۔۔۔ ۔۔ ضبط لازم ہے ہجر کے دن کی دھوپ ڈھلنے تک اعترافِ شکست کیا کرنا۔۔۔ ۔۔۔ ! فیصلے کی گھڑی بدلنے تک دل یہ کہتا ہے ۔۔۔ ۔۔حوصلہ رکھنا سنگ رستے سے ہٹ بھی سکتے ہیں اس سے پہلے کہ آنکھ بجھ جائے! جانے والے پلٹ بھی سکتے ہیں! اب چراغاں کریں ہم اشکوں سے مناظر بجھے بجھے۔۔۔ ۔۔۔ دیکھیں؟ اک طرف تو ہے' اک طرف دل ہے دل کی مانیں۔۔۔ ۔کہ اب تجھے دیکھیں خود سے بھی کشمکش سی جاری ہے راہ میں تیرا ۔۔غم بھی حائل ہے چاک در چاک ہے قبائے حواس بے رفو سوچ' روح گھائل ہے تجھ کو پایا تو چاک سی لیں گے غم بھی امرت سمجھ کے پی لیں گے ورنہ یوں ہے کہ دامنِ دل میں چند سانسیں ہیں' گن کے جی لیں گے

تجھ کو بُھولے ہیں تو کچھ دوش زمانے کا نہ تھا اب کے لگتا ہے کہ یہ دکھ ہی ٹھکانے کا نہ تھا یہ جو مقتل سے بچا لائے سروں کو اپنے ان میں اک شخص بھی کیا میرے گھرانے کا نہ تھا

چہرے پڑھتا، آنکھیں لکھتا رہتا ہوں میں بھی کیسی باتیں لکھتا رہتا ہوں؟ مجھ کو خط لکھنے کے تیور بھول گئے آڑی ترچھی سطریں لکھتا رہتا ہوں تیرے ہجر میں اور مجھے کیا کرنا ہے ؟ تیرے نام کتابیں لکھتا رہتا ہوں تیری زلف کے سائے دھیان میں رہتے ہیں میں صبحوں کی شامیں لکھتا رہتا ہوں اپنے پیار کی پھول مہکتی راہوں میں لوگوں کی دیواریں لکھتا رہتا ہوں تجھ سے مل کر سارے دکھ دہراؤں گا ہجر کی ساری باتیں لکھتا رہتا ہوں سوکھے پھول، کتابیں، زخم جدائی کے تیری سب سوغاتیں لکھتا رہتا ہوں اس کی بھیگی پلکیں ہستی رہتی ہیں محسن جب تک غزلیں لکھتا رہتا ہوں محسن نقوی

’’تمہیں پتا ہے ہر مرد کے پاس لفظوں کی ایک پٹاری ہوتی ہے جس میں وہ خوشنما،خوبصورت اور سحر انگیز لفظوں کا ڈھیر جمع کرتا جاتا ہے۔وہ ہر موقعے پر بڑی مہارت کے ساتھ عورت پر لفظوں کا جال پھینکتا ہے اور عورت اتنی سادہ اور بے وقوف ہوتی ہے کہ جب کسی مرد کی محبت میں گرفتار ہوتی ہے تو اپنی عقل اور سوچنے سمجھنے کی ساری حسیّں اٹھا کر طاق پر رکھ دیتی ہے۔وہ ان خوشنما لفظوں کی تتلی کے پیچھے لپکتی ہے ،اور بعض دفعہ اس کے حصّے میں بس چند چھبنے والے پھیکے سے رنگ ہی آتے ہیں۔جب کہ مرد اُسی تتلی کو لیے نئے جہاں تسخیر کرنے نکل جاتا ہے۔۔۔‘‘ (صائمہ اکرم چوہدری کے اول بنت حوا سے ایک اقتباس)

ہم کہ دشتِ جہاں کو آباد کیے بیٹھے ہیں آرزوئے یار کو اب خاک کیے بیٹھے ہیں خواب کے تار سے خواہش کو رفو کرتے دامنِ دل کو اب چاک کیے بیٹھے ہیں کاش وہ آئے جلائے یہاں کو ئی چراغ دل کے دربار کو ہم طاق کیے بیٹھے ہیں۔

ستون دار پہ رکھتے چلو سروں کے چراغ جہاں تلک بھی ستم کی سیاہ رات چلے۔۔۔

اگر نشانِ سفر تک کہیں نہیں، نہ سہی میں رینگ رینگ کے یہ شب نہیں گزاروں گا شکست سے مرا اخلاق اجنبی ہے ندیم سحر ملے نہ ملے رات سے نہ ہاروں گا احمد ندیم قاسمی

میرے روز و شب بھی عجیب تھے، نہ شمار تھا نہ حساب تھا کبھی عمر بھر کی خبر نہ تھی، کبھی ایک پل کو صدی کہا۔ ۔

شیرینی ٴ لب، خوشبوئے دہن، اب شوق کا عنواں کوئی نہیں شادابی ٴ دل، تفریح نظر، اب زیست کا درماں کوئی نہیں جینے کے فسانے رہنے دو، اب ان میں الجھ کر کیا لیں گے اک موت کا دھندا باقی ہے ، جب چاہیں گے نپٹالیں گے

میں اس کی آہٹیں چُن لوں، میں اس کو بول کر دیکھوں گلی میں کون پھرتا ہے دریچہ کھول کر دیکھوں اور اب یہ سوچتا ہوں کیا تہِ داماں پڑے رہنا کسی مشعل کی لو ٹھہروں، ہوا میں ڈول کر دیکھوں

نکتہ چیں ہے ، غمِ دل اُس کو سُنائے نہ بنے کیا بنے بات جہاں بات بنائے نہ بنے میں بُلاتا تو ہوں اُس کو ، مگر اے جذبۂ دل اُس پہ بن جائے کُچھ ایسی کہ بِن آئے نہ بنے کھیل سمجھا ہے کہیں چھوڑ نہ دے ، بھول نہ جائے کاش یُوں بھی ہو کہ بِن میرے ستائے نہ بنے غیر پھرتا ہے لیے یوں ترے خط کو کہ اگر کوئی پُوچھے کہ یہ کیا ہے ، تو چُھپائے نہ بنے اِس نزاکت کا بُرا ہو ، وہ بھلے ہیں ، تو کیا ہاتھ آویں ، تو اُنھیں ہاتھ لگائے نہ بنے کہہ سکے کون کہ یہ جلوہ گری کس کی ہے پردہ چھوڑا ہے وہ اُس نے کہ اُٹھائے نہ بنے موت کی راہ نہ دیکھوں ؟ کہ بِن آئے نہ رہے تم کو چاہوں کہ نہ آؤ ، تو بُلائے نہ بنے بوجھ وہ سر سے گرا ہے کہ اُٹھائے نہ اُٹھے کام وہ آن پڑا ہے کہ بنائے نہ بنے عشق پر زور نہیں ، ہے یہ وہ آتش غالب کہ لگائے نہ لگے اور بُجھائے نہ بنے مرزا غالب

جس نے کرنا ہو سوال ____ آپ چلا آتا ہے لوگ جا جا کے تو سائل نہیں ڈھونڈا کرتے فاخرہ بتول

بھلے دنوں کا بھروسا ہی کیا رہیں نہ رہیں سو میں نے __ رشتہ غم کو بحال رکھا ہے احمد فراز

خُوشبو کی طرح مُجھ پہ جو بِکھری تمام شب میں اُس کی مَست آنکھ سے چُنتا رہا، وہ نیند

لو پھر تیرے لبوں پہ اسی بے وفا کا ذکر احمد فراز! تجھ سے کہا نا____ بہت ہوا احمد فراز

شیخ سے بے ہراس ملتے ہیں ہم نے توبہ ابھی نہیں کی ہے ذکر دوزخ ـــــــ بیانِ حور و قصور بات گویا ــــ یہیں کہیں کی ہے فیض احمد فیض

آیا ہوں سنگ و خشت کے انبار دیکھ کر خوف آ رہا ہے سایۂ دیوار دیکھ کر آنکھیں کُھلی رہی ہیں مری انتظار میں آئے نہ خواب دیدۂ بیدار دیکھ کر غم کی دُکان کھول کے بیٹھا ہوا تھا میں آنسو نکل پڑے ہیں خریدار دیکھ کر کیا علم تھا پھسلنے لگیں گے میرے قدم میں تو چلا تھا راہ کو ہموار دیکھ کر ہر کوئی پارسائی کی عمدہ مثال تھا دل خوش ہوا ہے ایک گنہگار دیکھ کر بے حسی بھی وقتِ مدد دیکھ لی عدیم کترا گیا ہے یار کو بھی یار دیکھ کر عدیم ہاشمی

آج تک ہم کو تو وہ بت نہ ملا پر نہ ملا کہتے ہیں ڈھونڈنے والے کو خدا ملتا ہے ناطق لکھنوی

عشق کی مایوسیوں میں سوز پنہاں کچھ نہیں اس ہوا میں یہ چراغ زیر داماں کچھ نہیں کیا ہے دیکھو حسرتِ سیرِ گلستاں کچھ نہیں کچھ نہیں اے ساکنانِ کنج زنداں کچھ نہیں جینے والے جی رہے ہیں اور ہی عالم میں اب دوستو طول غمِ شبہائے ہجراں کچھ نہیں عشق کی ہےخود نمائی عشق کی آشفتگی روئے تاباں کچھ نہیں زلف پریشاں کچھ نہیں درد کے مارے ہوئے کل روتے روتے ہنس پڑے پھر کہو گے عشق کی تاثیر پنہاں کچھ نہیں آنکھ والے دیکھ لیں میرے سیہ خانے کی سیر ماہ تاباں کچھ نہیں مہر درخشاں کچھ نہیں ایک ہوجائے نہ جب تک سرحدِ شوق جنوں ایک ہو کر چاکِ دامان و گریباں کچھ نہیں یاد آہی جاتی ہے اکثر دلِ برباد کی یوں تو سچ ہے چند ذرات پریشاں کچھ نہیں کاش اپنے ہجر سے بیتاب ہوتے اے فراق دوسرے کے واسطے حال پریشاں کچھ نہیں فراق گھورکھپوری

وہ میرا جانِ ہر محفل کہاں ہے نگاہِ شوق کی منزل کہاں ہے ستارو، تم نے دیکھا ہو تو لادو مری اُمید کا حاصل کہاں ہے ساغر نظامی

ہر طرف انبساط ہے اے دل اور ترے گھر میں رات ہے اے دل عشق ان ظالموں کی دنیا میں کتنی مظلوم ذات ہے اے دل میری حالت کا پوچھنا ہی کیا سب ترا التفات ہے اے دل اس طرح آنسوؤں کو ضائع نہ کر آنسوؤں میں حیات ہے اے دل اور بیدار چل کہ یہ دنیا شاطروں کی بساط ہے اے دل صرف اُس نے نہیں دیا مجھے سوز اس میں تیرا بھی ہاتھ ہے اے دل مُندمل ہو نہ جائے زخمِ دروں یہ مری کائنات ہے اے دل حُسن کا ایک وار سہہ نہ سکا ڈوب مرنے کی بات ہے اے دل

حسابِ عمر کا اتنا سا گوشوارا ہے تمہیں نکال کے دیکھا تو سب خسارا ہے کسی چراغ میں ہم ہیں کسی کنول میں تم کہیں جمال ہمارا کہیں تمہارا ہے وہ کیا وصال کا لمحہ تھا جس کے نشے میں تمام عمر کی فرقت ہمیں گوارا ہے ہر اک صدا جو ہمیں بازگشت لگتی ہے نجانے ہم ہیں دوبارہ کہ یہ دوبارہ ہے وہ منکشف مری آنکھوں میں ہو کہ جلوے میں ہر ایک حُسن کسی حُسن کا اشارہ ہے عجب اصول ہیں اس کاروبارِ دُنیا کے کسی کا قرض کسی اور نے اُتارا ہے نجانے کب تھا! کہاں تھا مگر یہ لگتا ہے یہ وقت پہلے بھی ہم نے کبھی گزارا ہے یہ دو کنارے تو دریا کے ہو گئے ، ہم تم مگر وہ کون ہے جو تیسرا کنارا ہے

ختم اپنی چاہتوں کا سلسلہ کیسے ہوا تو تو مجھ میں جذب تھا مجھ سے جدا کیسے ہوا وہ جو تیرے اور میرے درمیاں ایک بات تھی آئو سوچیں شہر اسے آشنا کیسے ہوا چب گئیں سینے میں ٹوٹی خواہشوں کی کرچیاں کیا لکھوں دل ٹوٹنے کا حادثہ کیسے ہوا جو رگِ جاں تھا کبھی ملتا ہے اب رخ پھیر کر سوچتا ہوں اس قدر وہ بے وفا کیسے ہوا