Urdu Duniya اُردو دنیا

اس کے سپ جھوٹ بھی سچ ھیں محسن شرط اتنی ھے---------- وہ بولے تو سہی

جانتا ہوں کہ مرا دل مرے پہلو میں نہیں پھر کہاں ہے جو ترے حلقۂ گیسو میں نہیں ایک تم ہو کہ تمہارے ہیں پرائے دل بھی ایک میں ہوں کہ مرا دل مرے قابو میں نہیں دور صیّاد، چمن پاس، قفس سے باہر ہائے وہ طاقتِ پرواز کہ بازو میں نہیں دیکھتے ہیں تمہیں جاتے ہوئے اور جیتے ہیں تم بھی قابو میں نہیں، موت بھی قابو میں نہیں حیف جس کے لیے پہلو میں نہ رکھا دل کو کیا قیامت ہے کہ فانی وہی پہلو میں نہیں (فانی بدایونی)

ہاتھ چھوٹیں بھی تو رشتے نہیں چھوڑا کرتے وقت کی شاخ سے لمحے نہیں توڑا کرتے جس کی آواز میں سِلوٹ ہو، نگاہوں میں شکن ایسی تصویر کے ٹکڑے نہیں جوڑا کرتے لگ کے ساحل سے جوبہتا ہے اُسے بہنے دو ایسے دریا کا کبھی رُخ نہیں موڑا کرتے جاگنے پر بھی نہیں آنکھ سے گرتیں کرچیں اس طرح خوابوں سے آنکھیں نہیں پھوڑا کرتے شہد جینے کا مِلا کرتا ہے تھوڑا تھوڑا جانے والوں کیلئے دِل نہیں تھوڑا کرتے جمع ہم ہوتے ہیں ، تقیسم بھی ہوجاتے ہیں ہم تو تفریق کے ہندسے نہیں جوڑا کرتے جاکے کہسار سے سرمارو کہ آواز تو ہو خستہ دِیواروں سے ماتھا نہیں پھوڑا کرتے ! --

ہم وہیں پر ہی بسا لیں خود کو ہم کہ وہ راہ میں روکے تو سہی دل اسی وقت سنبھل جائے گا دل کا احوال وہ پوچھے تو سہی . Ham wahin per hi basa len khud ko Ham ko wo raah mein roky to sahi Dil usi waqt sanbhal jaey ga Dil ka ehwaal wo poochy to sahi

محبتوں کا حساب تھا نا عداوتوں کا شمار تھا کبھی اس کی ذات عذاب تھی ، کبھی روح کا وہ قرار تھا میری پیاس اتنی ہی بڑھ گئی کے سراب جتنے ملے مجھے ہوا دھوکہ جس پے گلاب کا وہ سلگتا ، جلتا شرار تھا اسے میں نے مُڑ کر صدا نا دی کے پلٹ گیا تھا وہ راہ سے میں خزاں ہوا تو پتہ چلا ، میری ذات کا وہ نکھار تھا تُو بھی دور ہے ، میں بھی دور ہوں ، کیوں الگ ہوئے یہ راستے تیری چاہتوں کا گریز تھا یا میری انا کا حصار تھا وہ اگر کسی کو ملے کہیں تو کوئی بتا دے اسے ذرا میرے فن شعر کی بے خودی ، تیرے عشق ہی کا خمار تھا

جن کے آنگن میں امیری کا شجر لگتا ہے ان کا ہر عیب زمانے کو ہنر لگتا ہے ماں مجھے دیکھ کے ناراض نہ ہو جائے کہیں سر پہ آنچل نہیں ہوتا ہے تو ڈر لگتا ہے

ﻣﯿﮟ ﻧﮯ ﺑﮍﯼ ﮐﻮﺷﺶ ﮐﯽ ﮐﮧ ﻗﺮﺁﻥ ﭘﮍﮪ ﮐﺮ ﺧﻮﺩ ﮐﻮ ﺳﻨﯽ ﺛﺎﺑﺖ ﮐﺮﻭﮞ ﻣﮕﺮ ﻧﺎﮐﺎﻡ ﺭﮨﺎ. ﻣﯿﮟ ﻧﮯ ﺗﻤﺎﻡ ﻗﺮﺍﻧﯽ ﺳﻮﺭﺗﯿﮟ ﭘﮍﮬﯿﮟ ﻣﮕﺮ ﻣﺠﮭﮯ ﻧﮧ ﮐﻮﺋﯽ ﺷﯿﻌﮧ ﻣﻼ، ﻧﮧ ﺑﺮﯾﻠﻮﯼ، ﻧﮧ ﺩﯾﻮﺑﻨﺪﯼ ﺍﻭﺭ ﻧﮧ ﮨﯽ ﺍﮨﻠﺤﺪﯾﺚ. ﻣﯿﮟ ﻧﮯ ﮐﻮﺷﺶ ﮐﯽ ﮐﮧ ﺍﺳﻮۂ ﺣﺴﻨۂ ﮐﻮ ﭘﮍﮪ ﮐﺮ ﺍﭘﻨﮯ ﺁﭖ ﮐﻮ ﮐﺴﯽ ﻓﺮﻗﮯ ﺳﮯ ﺟﻮﮌﻭﮞ ﻣﮕﺮ ﯾﮩﺎﮞ ﺑﮭﯽ ﻣﺠﮭﮯ ﻧﺎﮐﺎﻣﯽ ﮨﻮﺋﯽ. ﮨﺮ ﺟﮕﮧ ﻣﺎﺳﻮﺍﺋﮯ ﺍﯾﮏ ﻣﺴﻠﻤﺎﻥ(ﻣﺴﻠﻢ) ﮐﮯ ﺍﭘﻨﯽ ﮐﻮﺋﯽ ﺩﻭﺳﺮﯼ ﭘﮩﭽﺎﻥ ﻧﮧ ﻣﻠﯽ. ﺍﮔﺮ ﻓﺮﻗﮯ ﮐﺎ ﮐﮩﯿﮟ ﺫﮐﺮ ﺁﯾﺎ ﺑﮭﯽ ﺗﻮ ﺭﺩ ﮐﺮﻧﮯ ﮐﮯ ﺍﻧﺪﺍﺯ ﻣﯿﮟ، ﺍﯾﮏ ﮔﻨﺎﮦ، ﺍﯾﮏ ﺗﻨﺒﯿﮧ ﮐﯽ ﺣﯿﺜﯿﺖ ﺳﮯ. ﺍﻥ ﺳﺐ ﻭﺍﺿﺢ ﺍﺣﮑﺎﻣﺎﺕ ﮐﮯ ﺑﺎﻭﺟﻮﺩ ﺁﺝ ﮨﻢ ﻣﺴﻠﻤﺎﻥ ﮐﮯ ﻋﻼﻭﮦ ﺳﺐ ﮐﭽﮫ ﮨﯿﮟ. ﮨﻢ ﻓﺮﻗﻮﮞ ﻣﯿﮟ ﺍﺱ ﺑﺮﮮ ﻃﺮﺡ ﺑﭧ ﮔﺌﮯ ﮐﮧ ﮨﻤﺎﺭﯼ ﺍﺻﻞ ﺷﻨﺎﺧﺖ ﮨﯽ ﮔﻢ ﮨﻮ ﮔﺌﯽ. ﺍﻧﺼﺎﺭ ﻋﺒﺎﺳﯽ ﮐﮯ ﮐﺎﻟﻢ ﺳﮯ.

اب کے مٹی کی عبارت میں لکھی جائے گی سبز پتّوں کی کہانی رُخِ شاداب کی بات کل کے دریاؤں کی مٹتی ہوئی مبہم تحریر اب فقط ریت کے دامن میں نظر آئے گی بُوند بَھر نَم کو ترس جائے گی بے سود دعا نَم اگر ہو گی کوئی چیز تو میری آنکھیں میری پلکوں کے دریچے مری بنجر آنکھیں میرا اُجڑا ہو چہرہ ، مری پتھر آنکھیں قحط افسانہ نہیں اور یہ بے ابر فلک آج اُس دیس کل اس دیس کا وارث ہوگا ہم سے ترکے میں ملیں گے اُسے بیمار درخت تیز کرنوں کی تمازت سے چٹختے ہوئے ہونٹ دھُوپ کا حرفِ جنوں ، لُو کا وصّیت نامہ اور مِرے شہرِ طلسمات کی بے در آنکھیں مِری بے در مِری بنجر ، مِری پتھر آنکھیں

حُسن والے وُہ کام کرتے ہیں لفظ جھک کر سلام کرتے ہیں عُمر بھر یہ غلام نہ سمجھا! آپ کیسے غلام کرتے ہیں؟ خوش نصیبی گُلوں پہ ختم ہُوئی اُن کی زُلفوں میں شام کرتے ہیں ’’با اَدب ، با ملاحظہ‘‘ گھر میں اَب! کبوتر قیام کرتے ہیں فتویٰ تعبیر پر ہے لاگو حضور! خواب کو کیوں حرام کرتے ہیں؟ جام تو توڑ بیٹھے منبر پر اَب سَبُو کو اِمام کرتے ہیں قصۂ عشق آگے بڑھ نہ سکا وُہ میرا ’’اِحترام‘‘ کرتے ہیں ’’چار خانے‘‘ بنائے بیٹھا ہے؟ دِل! ترا اِنتظام کرتے ہیں! سب شروع کرتے ہیں بنامِ خدا ہم خدا پر تمام کرتے ہیں بن ملے جن سے قیس عشق ہُوا! یہ غزل اُن کے نام کرتے ہیں

اوجھل سہی نگاہ سے ، ڈوبا نہیں ہوں میں اے رات ہوشیار کہ ،،،،،،، ہارا نہیں ہوں میں . در پیش صبح شام یہی کشمکش ھے اب اس کا بنوں میں کیسے کہ اپنا نہیں ہوں میں

جُنوں میں شوق کی گہرائیوں سے ڈرتا رہا میں اپنی ذات کی سچّائیوں سے ڈرتا رہا محبّتوں سے شناسا ہُوا میں جس دن سے پھر اُس کے بعد شناسائیوں سے ڈرتا رہا وہ چاہتا تھا کہ تنہا مِلوں، تو بات کرے ! میں کیا کروں کہ میں تنہائیوں سے ڈرتا رہا میں ریگزار تھا، مجھ میں بسے تھے سنّاٹے اِسی لئے تو میں شہنائیوں سے ڈرتا رہا میں اپنے باپ کا یوسف تھا، اِس لئے مُحسن سُکوں سے سو نہ سکا، بھائیوں سے ڈرتا رہا

اب تیری ضرورت بھی بہت کم ہے مری جاں، اب شوق کا کچھ اور ہی عالم ہے مری جاں، اب تذکرہء خندہء گل بار ہے جی پر، جاں وقفِ غمِ گریہء شبنم ہے مری جاں، رخ پر ترے بکھری ہوئی یہ زلفِ‌سیہ تاب، تصویر پریشانیِ عالم ہے مری جاں، یہ کیا کہ تجھے بھی ہے زمانے سے شکایت، یہ کیا کہ تری آنکھ بھی پر نم ہے مری جاں، ہم سادہ دلوں پر یہ شبِ غم کا تسلط، مایوس نہ ہو اور کوئی دم ہے مری جاں، یہ تیری توجہ کا ہے اعجاز کہ مجھ سے، ہر شخص ترے شہر کا برہم ہے مری جاں، اے نزہتِ مہتاب ترا غم ہے مری زیست، اے نازشِ خورشید ترا غم ہے مری جاں۔ حبیب جالب

اے انوکھے سخی! اے مرے کبریا!! کوئی رستہ دکھا خود پہ کُھل جاؤں میں مجھ پہ افشا ہو تُو' اے مرے کبریا!! کبریا اب مجھے لوحِ ارض و سما کے سبھی نا تراشیدہ پوشیدہ حرفوں میں لپٹے ہوئے اسم پڑھنا سکھا اے انوکھے سخی! اے مرے کبریا! میں مسافر ترا

‎"آنسو قابل رحم تو بنا سکتے ہیں مگر قابل اثر نہیں۔ زندگی کے معاملات رونے دھونے سے حل نہیں ہوا کرتے۔ اگر انسان رونے بیٹھ جائے تو ہاتھ پیر چھوڑ بیٹھتا ہے۔ اس طرح ہمت اور طاقت کمزور پڑ جاتی یے۔ آگے چلنا یے تو رو کر عمر کیوں گزاری جائے۔" (اقتباس: شازیہ چوہدری کے ناول "شہر دل کے دروازے" سے)

وہ جو آ جاتے تھے آنکھوں میں ستارے لے کر جانے کس دیس گئے خواب ہمارےلے کر چھاؤں میں بیٹھنے والے ہی تو سب سے پہلے پیڑ گرتا ہے تو آ جاتے ہیں آرے لے کر وہ جو آسودہ ساحل ہیں انہیں کیا معلوم اب کے موج آئی تو پلٹے گی کنارے لےکر ایسا لگتا ہے کے ہر موسم ہجراں میں بہار ہونٹ رکھ دیتی ہے شاخوں پہ تمہارے لے کر شہر والوں کو کہاں یاد ہے وہ خواب فروش پھرتا رہتا تھا جو گلیوں میں غبارے لے کر نقدِ جاں صرف ہوا کلفتِ ہستی میں فراز' اب جو زندہ ہیں تو کچھ سانس ادھارے لے کر

کسی کی یاد سے تسکینِ جاں ہے وابستہ کسی کا ذکر چلے اور بار بار چلے....

سوچ، دشت ہجر کی ویرانیوں میں گم رہی زندگی اپنی جنوں سامانیوں میں گم رہی رات سورج کے تعاقب میں رہی گرم سفر دل کی وحشت چاند کی تابانیوں میں گم رہی آسماں کے طاق میں جلتی ہوئی شام شفق چشم نم کی آئنہ سامانیوں میں گم رہی عکس آئینہ سے کیا کھلتا طلسم آگہی یہ وہ حیرانی تھی جو حیرانیوں میں گم رہی تیرے جلووں کے ستارے ہوں کہ بارش ہجر کی دل کی یہ بستی تو بس طغیانیوں میں گم رہی

انٹرویو لینے والا:ایک طیارے پر 500 اینٹیں ہیں۔ان میں سے ایک باہر پھینک دی جائے تو باقی کتنی بچیں گی. امیدوار:بہت آسان سوال ہے،499 اینٹیں بچیں گی. انٹرویو لینے والا:ایک ہاتھی کو فریج میں ڈالنے کے تین مراحل کیا ہیں امیدوار:فریج کھولیں،ہاتھی کو اندر رکھیں اور فریج بند کر دیں انٹرویو لینے والا:ایک ہرن کو فریج میں ڈالنے کے چار مراحل کیا ہیں امیدوار:فریج کھولیں،ہاتھی کو باہر نکالیں،ہرن کو اندر رکھیں اور فریج بند کر دیں انٹرویو لینے والا:شیر کی سالگرہ تھی،تمام جانور آئے سوائے ایک کے۔کیوں امیدوار:کیوں کہ ہرن فریج میں ہے انٹرویو لینے والا:ایک بوڑھی عورت مگرمچھوں سے بھری ہوئی دلدل کو کیسے عبور کرے گی امیدوار:بہت آرام سے۔کیونکہ تمام مگرمچھ شیر کی سالگرہ میں شریک ہیں انٹرویو لینے والا:آخری سوال:آخر میں بوڑھی عورت پھر بھی مر جاتی ہے۔کیوں امیدوار:آں ۔۔میرا خیال ہے کہ وہ ڈوب جاتی ہے انٹرویو لینے والا:نہیں!اسے جہاز سے پھینکی جانے والی اینٹ لگی تھی. اب تم جا سکتے ہو

سڑک کے کنارے کھمبے پر چپکے کاغذ پر لکھا ہوا تھا: میرے پچاس روپے گم ہو گئے ہیں، جس کو ملیں وہ میرے گھر واقع فلاں گلی پہنچا دے، میں ایک بہت ہی غریب اور بوڑھی عورت ہوں، میرا کوئی کمانے والا نہیں، روٹی خریدنے کیلئے بھی محتاج رہتی ہوں۔ ایک آدمی کو یہ پچاس روپے ملے تو وہ کاغذ پر لکھے ہوئے پتے پر پہنچانے چلا گیا۔ جیب سے پچاس روپے نکال کر بُڑھیا کو دیئے تو وہ پیسے لیتے ہوئے رو پڑی۔ کہنے لگی: بیٹے آج تم بارہویں آدمی ہو جسے میرے پچاس روپے ملے ہیں اور وہ مجھے پہنچانے چلا آیا ہے۔ آدمی پیسے دیکر مسکراتے ہوئے جانے لگا تو بُڑھیا نے اُسے پیچھے سے آواز دیتے ہوئے کہا: بیٹے، جاتے ہوئے وہ کاغذ جہاں لگا ہوا ہے اُسے پھاڑتے جانا کیونکہ ناں تو میں پڑھی لکھی ہوں اور ناں ہی میں نے وہ کاغذ اُدھر چپکایا ہے۔ ( وفي السماء رزقكم وما توعدون - آسمان ہی میں ہے تمہارا رزق بھی اور وہ چیز بھی جس کا تم سے وعدہ کیا جا رہا ہے)

یوں اکیلے میں اسے عہدِوفا یاد آئے جیسے بندے کو مصیبت میں خدا یاد آئے جیسے بھٹکے ہوئے پنچھی کو نشیمن اپنا جیسے اپنوں کے بچھڑنے پہ دعا یادآئے جیسے ڈھلتی ہوئی شاموں کو سویرا کوئی جیسے پنجرے میں پرندے کو فضا یاد آئے جیسے بوڑھے کو خیالات میں بچپن اپنا جیسے بچے کو شرارت پہ سزا یاد آئے جیسے اُجڑی ہوئی بستی کو زمانہ اپنا جیسے طوفان کے ٹھہرنے پہ دیا یاد آئے

میں خداؤں کی بستی میں محبوس تھا، ذہن مفلوج تھا جس جگہ کوئی انساں مجھکو ملا، دل وہیں رہ گیا اس نے خالد مجھے آج اپنا کہا، کیسے ممکن ہوا گھر تو آگیا سوچتا سوچتا ، دل وہیں رہ گی

پی جا ایام کی تلخی کو بھی ہنس کر ناصر غم کو سہنے میں بھی قدرت نے مزہ رکھا ھے

تتلیاں سبھی چاہتیں سبھی راحتیں اسی ہمسفر کے دم سے تھیں وہ گیا تو میری آنکھ میں اِک ایسی رُت بسا گیا جو روشنی تھی کھو گئی جو تتلیاں تھیں مر گئیں بس اِک شبِ سیاہ ہے جو میری ہمسفر ہے اب غموں کی ایسی بھیٹر ہے تھی اِک خوشی نہیں رہی شامِ فراق