Urdu Duniya اُردو دنیا

• میں اسکارف کیوں لیتی ہوں؟ "تم نے ایک دفعہ مجھ سے پوچھا تھا حیا! کہ میں ہر وقت اسکارف کیوں پیہنتی ہوں؟" عائشے سر جھکائے لکڑی کے ٹکڑے کا کنارہ تراشتے ہوئے کہہ رہی تھی۔ "میں تمہیں بتاؤں‘ میرا بھی دل کرتا ہے کے میں وہ خوبصورت ملبوسات پہنوں جو بیوک ادا میں استنبول یا اٹل ی اور اسپین کی لڑکیاں پہن کر آتی ہیں۔ بالکل جیسے ماڈلز پہنتی ہیں اور جب وہ اونچی ہیل کے ساتھ ریمپ پہ چلتی آ رہی ہوتی ہیں تو ایک دنیا ان کو محسور ہو کر دیکھ رہی ہوتی ہے۔ میرا بھی دل کرتا ہے کہ میں بھی ایسے اسمارٹ اور ٹرینڈی ڈیزائنر لباس پہن کر جب سڑک پہ چلوں تو لوگ محسور و متاثر ہو کر مجھے دیکھیں.... لیکن...." وہ سانس لینے کو رکی‘ حیا بنا پلک جھپکے‘ سانس روکے اسے دیکھ رہی تھی۔ "لیکن.... پھر مجھے خیال آتا ہے۔ یہ خیال کہ ایک دن میں مر جاؤں گی‘ جیسے تمہاری دوست مر گئی تھی اور میں اس مٹی میں چلی جاؤں گی‘ جس کے اوپر میں چلتی ہوں۔ پھر ایک دن سورج مغرب سے نکلے گا اور زمین کا جانور زمین سے نکل کر لوگوں سے باتیں کرے گا اور لال آندھی ہر سو چلے گی۔ اس دن مجھے بھی سب کے ساتھ اٹھایا جائے گا۔ تم نے کبھ

.ہم دشتِ جنوں کے سودائی۔۔۔ ۔۔۔ ۔ ہم گردِ سفر، ہم نقشِ قدم۔۔ ہم سوزِطلب، ہم طرزِ فغان--- ہم رنج چمن، ہم فصل خزاں ۔۔۔ ہم حیرت و حسرت و یاس و الم--- ہم دشت جنوں کے سودائی یہ دشتِ جنوں، یہ پاگل پن ۔۔ یہ پیچھا کرتی رسوائی--- یہ رنج و الم، یہ حزن و ملال۔۔۔ ... یہ نالہء شب، یہ سوزِ کمال--- دل میں کہیں بے نام چبھن۔۔ اور حدِ نظر تک تنہائی --- ہم دشتِ جنوں کے سودائی--- اب جان ہماری چُھوٹے بھی۔۔ یہ دشتِ جنوں ہی تھک جائے -- جو روح و بدن کا رشتہ تھا۔۔ کئی سال ہوئے وہ ٹوٹ گیا -- اب دل کا دھڑکنا رک جائے۔۔ اب سانس کی ڈوری ٹوٹے بھی -- ہم دشتِ جنوں کے سودائی۔۔

کسی بهی مصحف_رخ کو پڑهوں تو کیسے پڑهوں حروف مٹ سے گئے ہیں تمهارے نام کے بعد شب_سیاہ کا تریاق پا لیا میں نے ندیم" دل میں چمکتا ہے درد ، شام کے بعد

منظر کے اردگرد بھی اور آرپار دُھند آئی کہاں سے آنکھ میں یہ بےشمار دُھند کیسے نہ اُس کا سارا سفر رائیگاں رہے جس کاروانِ شوق کی ہے راہگزار دُھند ہے یہ جو ماہ و سال کا میلہ لگا ہوا کرتی ہے اس میں چھپ کر مرا انتظار دُھند آنکھیں وہ بزم، جس کا نشاں ڈولتے چراغ دل وہ چمن کہ جس کا ہے رنگِ بہار دُھند کمرے میں میرے غم کے سوا اور کچھ نہیں کھڑکی سے جھانکتی ہے کسے بار بار دُھند فردوسِ گوش ٹھہرا ہے مبہم سا کوئی شور نظارگی کا شہر میں ہے اعتبار ، دُھند ناٹک میں جیسے بکھرے ہوں کردار جابجا امجد فضائے جاں میں ہے یوں بےقرار دُھند

دورانِ گفتگو بامعنی وقفے آنے لگ جائیں تو باقی گفتگو بے معنی ہوجاتی ہے سو اے خوش سخن میرے! ہمیں اب خاموشی پر دھیان دینا چاہیئے

!لاحاصل مُحبّت! دراصل انسانی وجود کو ایک قبرستان بنا دیتی ہے جس میں وہ اپنی تِشنہ خواہشات اورنامکمل آرزؤں کی قبریں اُٹھائے پھرتا ہے ۔۔ اقتباس

اسے کہنا یہ دنیا ہے ! یہاں ہر موڑ پہ ایسے بہت سے لوگ ملتے ہیں ! جو اندر تک اترتے ہیں ! ابد تک ساتھ رہنے کی ! اکھٹے درد سہنے کی ! ...ہمیشہ بات کرتے ہیں ! اسے کہنا . . ! یہ دنیا ہے ! یہاں ہر شخص مطلب کی ! حدوں تک ساتھ چلتا ہے . . ! جونہی موسم بدلتا ہے ! محبت کے سبھی دعوے ! سبھی قسمیں ! سبھی وعدے ! سبھی رسمیں ! اچانک ٹوٹ جاتے ہیں ! اسے کہنا … . ! یہ دنیا ہے … !

ذرا سی دیر کو منظر سُہانے لگتے ہیں پھر اُس کے بعد یہی قید خانے لگتے ہیں میں سوچتا ہوں کہ تو دربدر نہ ہو، ورنہ تجھے بھلانے میں کوئی زمانے لگتے ہیں کبھی جو حد سے بڑھے دل میں تیری یاد کا حبس کھلی فضا میں تجھے گنگنانے لگتے ہیں جو تو نہیں ہے تو تجھ سے کئے ہوئے وعدے ہم اپنے آپ سے خود ہی نبھانے لگتے ہیں عجیب کھیل ہے جلتے ہیں اپنی آگ میں ہم پھر اپنی راکھ بھی خود ہی اُڑانے لگتے ہیں یہ آنے والے زمانے مرے سہی، لیکن گذشتہ عمر کے سائے ڈرانے لگتے ہیں نگار خانہء ہستی میں کیسا پائے ثبات کہیں کہیں تو قدم ڈگمگانے لگتے ہیں

مجھ کو معلوم تھا ظلمت کا فسوں طاری ہے !!..میری پلکوں نے کیا جشنِ چراغاں پھر بھی ہمسفر کوئی نہیں راہِ وفا میں۔۔۔ لیکن !!..دل یہ کہتا ہے کہ ہے ساتھ نگہباں پھر بھی

مجھے نہ سوچے۔ میں دل گرفتہ ادھورا شاعر میں الجھی سوچوں بکھرتی نظروں بھٹکتی راہوں کا اک مسافر۔ خیال ترچھے سوال آڑھے قدم میرے لڑکھڑا چکے ھیں ۔ سوال ایسے ازل سے جن پر ضمیر آدم نے کچھ نہ سوچا۔ جواب ایسے کہ گر کبھی خود کو بھی بتاؤں تو کانپ جاؤں۔ گزرتے لمحوں کی گرد چہرے پہ تہ بہ تہ جمتی ہی جا رہی ھے۔ نقوش میرے مٹا رہی ھے میں اپنا خنجر خود اپنی شہ رگ پہ آزما چکا ھوں۔ میں خود بھی خود کو بھلا چکا ھوں ۔ اسے یہ کہنا مجھے نہ سوچے۔۔

خُوب ہے شوق کا یہ پہلُو بھی میں بھی برباد ہوگیا، تُو بھی حسن ِمغموم، تمکنت میں تری فرق آیا نہ یک سرِ مُو بھی یہ نہ سوچا تھا زیرِ سایہء زلف کہ بچھڑ جائے گی یہ خوشبُو بھی حسن کہتا تھا، چھیڑنے والے چھیڑنا ہی تُو بس نہیں، چُھو بھی ہائے وہ اس کا موج خیز بدن میں تو پیاسا رہا لبِ جُو بھی یاد آتے ہیں معجزے اپنے اور اُس کے بدن کا جادُو بھی یاسمیں! اُس کی خاص محرمِ راز یاد آیا کرئے گی اب تُو بھی یاد سے اُس کی ہے مرا پرہیز اے صبا اب نہ آئیو تُو بھی ہیں یہی جون ایلیا ،جو کبھی سخت مغرور بھی تھے، بدخُو بھی

ممکن ہے کہ صدیوں نظر آئے نہ سراغ اس بار اندھیرا میرے اندر سے اٹھا ہے۔

حضور آئے تو کیا کیا ساتھ نعمت لے کے آئے ہیں اخوت ، علم وحکمت ، آدمیت لے کے آئے ہیں کہا صدیق نے میری صداقت ان کا صدقہ ہے عمر ہیں ان کے شاہد وہ عدالت لے کے آئے ہیں کہا عثمان نے میری سخاوت ان کا صدقہ ہے علی دیں گے شہادت وہ شجاعت لے کے آئے ہیں رہے گا یہ قیامت تک سلامت معجزہ ان کا وہ قرآن میں نور و ہدایت لے کے آئے ہیں خدا نے رحمت للعالمیں خود ان کو فرمایا قسم اللہ کی رحمت ہی رحمت کے کے آئے ہیں قناعت ، حریت ، فکر وعمل ، مہر و وفا ، تقوی وہ انساں کے لیے عظمت ہی عظمت لے کے آئے ہیں حضور آئے تو کیا کیا ساتھ نعمت لے کے آئے ہیں اخوت ، علم وحکمت ، آدمیت لے کے آئے ہیں

آواز دے رہا ھے یہ میدانِ کربلا کچھ روز رہ گئے ہیں شکستِ یزید میں

ﻏﺎﻟﺐ ﻣﯿﮟ ﻧﺆﺵ ﮨﻮﮞ ﮔﺮ ﺟﻨّﺖ ﻧﮧ ﺟﺎ ﺳﮑﻮﮞ ﺣﺴﺮﺕ ﯾﮩﯽ ﮨﮯ ﮐﮧ ﺑﻌﺪِ ﻣﺮﮒ ﮐﭽﮫ ﮐﺎﻡ ﺁ ﺳﮑﻮﮞ ﺍﯾﻨﺪﮬﻦ ﺑﻨﺎ ﺩﮮ ﻣﺠﮫ ﮐﻮ ﺟﮩﻨﻢ ﮐﺎ ﺍﮮ ﺧﺪﺍ ﮨﺮ ﺩﺷﻤﻦِ ﻋﻠﯽؑ ﮐﺎ ﮐﻠﯿﺠﮧ ﺟﻼ ﺳﮑﻮﮞ ﻣﺮﺯﺍ ﻏﺎﻟﺐ !

مثردۂ کیفیت دوامی دے مرے خدا! مجھے اعزازِ نا تمامی دے میں تیرے چشمۂ رحمت سے شاد کام تو ہوں کبھی کبھی مجھے احساسِ تشنہ کامی دے مجھے کسی بھی معزز کا ہمرکاب نہ کر میں خود کماؤں جسے، بس وہ نیک نامی دے وہ لوگ جو کئی صدیوں سے ہیں نشیب نشیں بلند ہوں، تو مجھے بھی بلند بامی دے تری زمین یہ تیرے چمن رہیں آباد جو دشتِ دل ہے، اسے بھی تو لالہ فامی دے بڑا سرور سہی تجھ سے ہمکلامی میں بس ایک بار مگر ذوقِ خود کلامی دے میں دوستوں کی طرح خاک اڑا نہیں سکتا میں گردِ راہ سہی، مجھ کو نرم گامی دے اگر گروں تو کچھ اس طرح سربلند گروں کہ مارکر، مرا دشمن مجھے سلامی دے

لوح بھی تو قلم بھی تو تیرا وجود الکتاب گنبد آبگینہ رنگ تیرے محیط میں حباب Lauh bhi tu qalam bhi tu tera wujud Al Kitaab, Gunbad e Aabgeena rang tery muheet mein habaab! عالم آب و خاک میں تیرے ظہور سے فروغ ذرہ ریگ کو دیا تو نے طلوع آفتاب شوکت نجر وسلیم تیرے جلال کی نمود فقر جنید و بایزید تیرا جمال بے نقاب شوق ترا اگر نہ ہو میری نماز کا امام میرا قیام بھی حجاب میرا سجود بھی حجاب تیری نگاہ ناز سے دونوں مراد پاگئے عقل غیاب و جستجو ، عشق حضور و اضطراب

ﭘﮭﺮ ﻭﮨﯽ ﻣﺤﺮﻡ، ﭘﮭﺮ ﻭﮨﯽ ﺧﻮﮞ ﮐﯽ ﺑﺎﺯﯼ ﺳﺠﺎ ﮨﮯ ﭘﮭﺮ ﺳﮯ ﮐﺮﺑﻼ ﻓﻠﺴﻄﯿﻦ ﻣﯿﮟ ﺁﺝ ﺍﻟﮩﯽ ﭘﮭﺮ ﮐﻮﺋﯽ ﻣﺜﻞ ﺣﺴﯿﻦ ﭘﯿﺪﺍ ﮐﺮ ﯾﺰﯾﺪ ﻭﻗﺖ ﺑﯿﭩﮭﺎ ﮨﮯ ﻓﻠﺴﻄﯿﻦ ﻣﯿﮟ ﺁﺝ ﺁﺝ ﭘﮭﺮ ﻣﺴﻨﺪ ﺷﺎﮨﯽ ﻣﺴﻠﻢ ﭘﮧ ﮨﯿﮟ ﺣﯿﻮﺍﮞ ﺑﯿﭩﮭﮯ ﻟﭧ ﺭﮨﯽ ﮨﯿﮟ ﭘﮭﺮ ﻋﺼﻤﺘﯿﮟ ﻓﻠﺴﻄﯿﻦ ﻣﯿﮟ ﺁﺝ ﮐﭧ ﺭﮨﮯ ﮨﯿﮟ ﺍﺏ ﺑﮭﯽ ﮐﺌﯽ ﻣﻌﺼﻮﻡ ﻏﻨﭽﮯ ﺑﺮﺳﺎ ﺭﮨﮯ ﮨﯿﮟ ﺷﻤﺮ ﺗﯿﺮ، ﻓﻠﺴﻄﯿﻦ ﻣﯿﮟ ﺁﺝ ﭘﮭﺮ ﻣﺎﺋﯿﮟ ﺳﻤﯿﭧ ﺭﮨﯿﮟ ﮨﯿﮟ ﺍﻋﻀﺎﺀﻟﺨﺖ ﺟﮕﺮ ﺍﻭﺭﺳﺴﮏ ﺭﮨﯽ ﮨﯿﮟ ﺯﯾﻨﺐ ﻓﻠﺴﻄﯿﻦ ﻣﯿﮟ ﺁﺝ ﮐﮭﻨﭻ ﺭﮨﯽ ﮨﮯ ﭘﮭﺮ ﺳﮑﯿﻨﮧ ﮐﯽ ﭼﺎﺩﺭ ﺣﺮﻣﺖ ﻟﭧ ﺭﮨﮯ ﮨﯿﮟ ﭘﮭﺮ ﮐﺌﯽ ﭼﻤﻦ ﻓﻠﺴﻄﯿﻦ ﻣﯿﮟ ﺁﺝ ﺗﻢ ﮐﯿﺴﮯ ﭼﯿﻦ ﮐﯽ ﻧﯿﻨﺪ ﮨﻮ ﺳﻮﺗﮯ ﺣﺴﻨﺎﺕ ﭘﮑﺎﺭ ﺭﮨﯽ ﮨﯿﮟ ﺗﺮﯼ ﺑﮩﻨﯿﮟ ﻓﻠﺴﻄﯿﻦ ﻣﯿﮟ ﺁﺝ

سنو اہل فلسطین سنو ۔۔۔ إإ تم جلتے رہے آگ و بارود میں مگر ھم کچھ نہیں کر پائے سسکتی رہیں بہنیں سرہانے لاشوں کے ... مگر ھم کچھ نہیں کر پائے ڈرے سہمے وہ معصوم چہرے تڑپتے رہے آنکھوں کے وہ تارے مگر ھم کچھ نہیں کر پائے فریاد کرتی سسکتی رہیں مائیں لاشے اٹھائے جگر گوشوں کے مگر ھم کچھ نہیں کر پائے بھگوتے رہے اپنے آنسووٴں سے دامن مگر ھم کچھ نہیں کر پائے تم اگر نہیں سوئے راتوں کو تو یقین جانو ۔۔۔ کہ کاٹی ھم نے بھی راتیں سسک سسک کر اسریٰ بخدا سو ھم بھی نہیں پائے مگر ھم کچھ نہیں کر پائے ......!!!

ابھی کیا کہیں ابھی کیا سنیں؟ کہ سر ِ فصیل ِ سکوت ِ جاں کف ِ روز و شب پہ شرر نما وہ جو حرف حرف چراغ تھا اسے کس ہوا نے بجھا دیا ؟ کبھی لب ہلیں گے تو پوچھنا! . سر ِ شہر ِ عہد ِ وصال ِ دل وہ جو نکہتوں کا ہجوم تھا اسے دست ِ موج ِ فراق نے تہ ِ خاک کب سے ملا دیا ؟ کبھی گل کھلیں گے تو پوچھنا! . ابھی کیا کہیں ۔۔۔ ابھی کیا سنیں؟ یونہی خواہشوں کے فشار میں کبھی بے سبب ۔۔۔ کبھی بے خلل کہاں، کون کس سے بچھڑ گیا ؟ . کسے ، کس نے کیسے بھلا دیا ؟ کبھی پھر ملیں گے تو پوچھنا۔۔

سارے جھگڑےہی زندگی تک ہیں کون مرتا ھے پھر کسی کے لئے ؟ ۔ تم فرشتوں کی بات لے بیٹھے ہم ترستے ہیں آدمی کے لئے

ﺟﺲ ﺯﻣﯿﮟ ﭘﺮ ﺑﮭﯽ ﮐﮭﻼ ﻣﯿﺮﮮ ﻟﮩﻮ ﮐﺎ ﭘﺮﭼﻢ ﻟﮩﻠﮩﺎﺗﺎ ﮨﮯ ﻭﮨﺎﮞ ____ﺍﺭﺽ ﻓﻠﺴﻄﯿﮟ ﮐﺎ ﻋَﻠَﻢ ﺗﯿﺮﮮ ﺍﻋﺪﺍ ﻧﮯ ﮐﯿﺎ____ ﺍﯾﮏ ﻓﻠﺴﻄﯿﮟ ﺑﺮﺑﺎﺩ ﻣﯿﺮﮮ ﺯﺧﻤﻮﮞ ﻧﮯ ﮐﺌﮯ, ﮐﺘﻨﮯ ﻓﻠﺴﻄﯿﮟ ﺁﺑﺎﺩ ﻓﯿﺾ ﺍﺣﻤﺪ ﻓﯿﺾ

اب میری نگاہوں میں جچتا نہیں کوئی جیسے میرے سرکار ہیں ویسا نہیں کوئی تم سا تو حسیں آنکھ نے دیکھا نہیں کوئی یہ شان لطافت ہے کہ سایہ نہیں کوئی اے ظرف نظر دیکھ مگر دیکھ ادب سے سرکار کا جلوہ ہے تماشہ نہیں کوئی ہوتا ہے جہاں ذکر محمد کے کرم کا اس بزم میں محروم تمنا نہیں کوئی اعزاز یہ حاصل ہے تو حاصل ہے زمیں کو افلاک پہ تو گنبدِ خضری نہیں کوئی سرکار کی رحمت نے مجھے خوب نوازا یہ سچ ہے کہ خالد سا نکما نہیں کوئی

میری جان! ٹھیک کہتی ہو ہماری اس محبت کا بھلا کیا فائدہ ہو گا؟ ہمارے درمیاں جو دوریاں ہیں کم نہیں ہوں گی کبھی بارش کے موسم میں ہمشہ ساتھ رہنے کی جو خواہش دل میں جاگی تھی جو سپنے ہم نے دیکھے تھے وہ سپنے ٹوٹ جا ئیں گے میری جان! ٹھیک کہتی ہو مقدر کے لکھے کو ہی اگر تسلیم کرنا ہے تو پھر ایسی محبت کا بھلا کیا فائدہ ہو گا مگر اس کو اگر چاہو تو میری بے بسی کہہ لو ۔۔۔مجھے تم سے محبت ہے۔۔۔

بیوی کی تلاش" ایک عرب دانا نے اپنے بیٹوں کو نصیحت کی کہ ٦ قسم کی عورتوں سے کبھی شادی نہ کرنا، خواہ وہ حسن و جمال اور مال و دولت میں بے مثال ہی کیوں نہ ہوں. انانہ ، منانہ، حنانہ، حداقہ، براقہ اور شداقہ... انانہ - وہ عورت جو ہر وقت سر پر پٹی باندھے رکھے، کیوں کہ شکوہ و شکایت ہی ہمیشہ اس کا معمول ہو گا. منانہ - وہ عورت جو ہر وقت مرد پر احسان ہی جتاتی رہے کہ میں نے تیرے ساتھ یہ یہ احسان کیا اور تجھ سے تو مجھے کچھ حاصل نہیں ہوا. حنانہ - وہ عورت جو ہر وقت اپنے سابقہ خاوند کو ہی یاد کرتی رہے اور کہے کہ وہ تو بڑا اچھا تھا مگر تم ویسے نہیں ہو. حداقہ - وہ عورت جو خاوند سے ہر وقت فرمائش ہی کرتی رہے، جو چیز بھی دیکھے اس کی طلبگار ہو جائے. براقہ - وہ عورت جو ہر وقت اپنی چمک دمک میں ہی لگی رہے. شداقہ - وہ عورت جو تیز زبان ہو اور ہر وقت باتیں بنانا ہی اس کا کام ہو

کبھی یاد آؤ تو اس طرح کہ لہو کی ساری تمازتیں تمہیں دھوپ دھوپ سمیٹ لیں تمہں رنگ رنگ نکھار دیں تمہیں حرف حرف میں سوچ لیں تمہیں دیکھنے کا جو شوق ہو تو دیارِ ہجر کی تیرگی کو مژہ کی نوک سے نوچ لیں کبھی یاد آؤ تو اس طرح کہ دل و نظر میں اُتر سکو کبھی حد سے حبسِ جنوں بڑ ہے تو حواس بن کے بکھر سکو کبھی کھِل سکو شبِ وصل میں کبھی خونِ جگر میں سنور سکو سرِ رہگزر جو ملو کبھی نہ ٹھہر سکو نہ گزر سکو مرا درد پھر سے غزل بنے کبھی گنگناؤ تو اس طرح مرے زخم پھر سے گلاب ہوں کبھی مسکراؤ تو اس طرح مری دھڑکنیں بھی لرز اٹھیں کبھی چوٹ کھاؤ تو اس طرح جو نہیں تو پھر بڑے شوق سے سبھی رابطے سبھی ضابطے کسی دھوپ چھاؤں میں توڑ دو نہ شکستِ دل کا ستم سہو نہ سنو کسی کا عذابِ جاں نہ کسی سے اپنی خلش کہو یونہی خوش پھرو، یونہی خوش رہو نہ اُجڑ سکیں ، نہ سنور سکیں کبھی دل دُکھاؤ تو اس طرح نہ سمٹ سکیں ، نہ بکھر سکیں کبھی بھول جاؤ تو اس طرح کسی طور جاں سے گزر سکیں کبھی یاد آؤ تو اس طرح!!!!!! کبھی یاد آؤ تو اس طرح

بادل برسیں بادل اتنی زور سے برسیں میرے شہر کی بنجر دھرتی گم صم خاک اڑاتے رستے سوکھے چہرے پیلی آنکھیں بوسیدہ مٹیالے چہرے ایسے بھیگیں اپنے کو پہچان نہ پائیں بجلی چمکے بجلی اتنے زور سے چمکے میرے شہر کی سونی گلیاں مدت کے تاریک جھوکے پراسرار کھنڈر ویرانے ماضی کی مدھم تصویریں ایسے چمکیں سینے کا ہر بھید اگل دے دل بھی ڈھڑکے وہ بھی اتنی زور سے ڈھڑکے سوچوں کی مضبوط طنابیں خواہش کی ان دیکھی گرہیں رشتوں کی بوجھل زنجیریں ایک چھناکے سے کھل جائیں سارے رشتے سارے بندھن چاہوں بھی تو یاد نہ آئیں آنکھیں اپنی دید کو ترسیں بادل اتنی زور سے برسیں

محبت روح میں پروردہ مادیت سے بہرہ ور دیار دل کی رونق ہجر یاراں کا آخری آنسو شام تنہائی میں ہم نوا سخن محفل میں تماشائی سونپ دیتے ہیں خود کو محبت کے ہاتھوں میں انتہائے شوق کی خاطر چلو احسان کرتے ہیں دان کرتے ہیں تم کو دربار دل اپنا سو فیصلہ تمہارا ہے چھوڑ جاؤ یا پلٹ آؤ محبت سے محبت تک  

زندگی کی حقیقت سے نہ پھرنا کبھی اے نوع ملا دے گی مٹی میں نکل جائے گی روح

ہر خواہش نہیں ہوتی تکمیل کے لئے ہر خواب نہں سجتا تعبیر کے لئے سہانا نہں ہوتا محبت کا ہر سفر ہر خیال نہں ہوتا تصویر کے لئے محبت ایک لمحے کی گرفت ہے اور بس ہر لمحہ نہیں ہوتا تسخیر کے لئے محبت روح کا تقدس ہے فنا ہونا سحر مگر کچھ اور ہے یہ لوگوں کی تفسیر کے لئے

منزل ملتے ملتے چھوٹ گئے مسافر رلتے رہےتنہا تنہا خواب بنتے بنتے آنکھ تھک گئی ہاتھوں سے جگنوں اڑتے گئے پھول یوں ہی مرجھاتے گئے ویران ویران راہیں بوجھل ہیں قدم چلتے چلتے پاؤں زخمی زخمی اک پرندہ پنجرے میں بے جان آنکھوں میں اداسی لب سیے ہر اک کو تکتا ہے آس سے اب تو کوئی آئے مہرباں جو اس بند قفل کو اس طرح کھولے پرواز کرے شاھین آسمان کے وسعتوں میں مل جائے منزل اسے دنیا کی خوبصورت نگری میں

لمحہ لمحہ صدیوں کا سفر بھی گزر جاتا ہے افق کے پار دن بھی اتر جاتا ہے پھر یہ کیسے ممکن ہے کہ درد دل میں رہے جائے نہ یہ جدائیوں کا زمانہ نہ گزرے تنہائیوں کا زمانہ نہ گزرے انتظار کے لمحات قیامت ہی سہی بچھڑنا وقت کی ضرورت ہی سہی ہاں یہ سب تو اک کھیل ہے زندگی اک لمحہ کی جیل ہے پھر اک لمحہ کو رونا کیسا پانا کیسا پا کر کھونا کیسا یہ سب کچھ تو کھو جانا ہے جو نہ چاہو گے وہ بھی ہو جانا ہے لمحہ لمحہ

ترس رہا ہے اک بوند کی عنایت کو وہ آدمی جو سمندر کی تہ میں رہتا تھا

مُحبت جھوٹ لگتی ہے مُجھے اک کھوکھلا جذبہ جسے اظہار کی ہر وقت خواہش ہو کہے جانے کی سُننے کی جسے ہر پل ضرورت ہو “مُجھے تم سے مُحبت ہے “ نہ جانے روز کتنے لوگ اس جُملے کو سنُنے کے لیئے بیدار ہوتے ہیں یہ ایسا جھوٹ ہے جس کا سحر صدیوں سے طاری ہے مگر جاناں مُحبت جب کبھی اظہار کو ترسے کوئی تُم سے اگر کہہ دے “مُجھے تم سے مُحبت ہے ‘‘ تو اُسکی بات مت سُننا مُحبت روح سے پھوٹے مُحبت عکس بن جائے تو تُم کو پھر یقیں آئے کہ میں نے سچ کہا تُم سے مُحبت روح بن جائے تو پھر اُسکا یقیں کرنا وگرنا ایک جُملہ کوئی کتنی بار دُہرائے 'کہے جائے ‘ نہی سُننا 'مُحبت جھوٹ ہے جاناں اگر اظہار کی اسکو ضرورت ہو

مجھے آواز دے لینا نئے پھولوں پہ رنگیں تتلیاں جب مسکرائیں تو گئے موسم کی یا د یں جب تمھارا دل جلا ئیں تو مجھے آواز دے لینا کسی ما نوس رستے پر کوئی جب تم صدا پاؤ میری یادوں کی اپنے گھر میں جب تھوڑی جگہ پاؤ مجھے آواز دے لینا گئے لمحوں میں میری قربتیں جب یاد آئیں تو کبھی راتوں میں میری آہٹیں تم کو ستا ئیں تو مجھے آواز دے لینا کہیں ایسا نہ ہو میری سما عت تھک کے سو جائے یہ میرا دل تمھارا تن کسی دوجے کا ہو جائے تمھیں پانے کی حسرت یونہی دل میں گھٹ کے مر جا ئے تمھیں احساس نہ ہو اور کوئی جاں سے گزر جائے تم اس سے پیشتر مجھ پہ میری جاناں کرم کرنا مجھے آواز دے لینا مجھے آواز دے لینا

ہمنشیں! پوچھ نہ مجھ سے کہ محبت کیا ہے اشک آنکھوں میں ابل آتے ہیں اس نام کے ساتھ تجھ کو تشریحِ محبت کا پڑا ہے دورہ پھر رہا ہے مرا سر گردشِ ایام کے ساتھ سن کر نغموں میں ہے محلول یتیموں کی فغاں! قہقہے گونج رہے ہیں یہاں کہرام کے ساتھ پرورش پاتی ہے دامانِ رفاقت میں ریا اہلِ عرفاں کی بسر ہوتی ہے اصنام کے ساتھ کوہ و صحرا میں بہت خوار لئے پھرتی ہے کامیابی کی تمنا دلِ ناکام کے ساتھ یاس آئینۂ امید میں نقاشِ الم پختہ کاری کا تعلق ہوسِ خام کے ساتھ شب ہی کچھ نازکشِ پرتوِ خورشید نہیں سلسلہ تونگر کے شبستاں میں چراغانِ بہشت وعدۂ خلدِ بریں کشتۂ آلام کے ساتھ کون معشوق ہے ، کیا عشق ہے ، سودا کیا ہے؟ میں تو اس فکر میں گم ہوں کہ یہ دنیا ہے

اس آباد خرابے میں : ابن انشاء لو وہ چاہِ شب سے نکلا، پچھلے پہر پیلا مہتاب ذہن نے کھولی، رُکتے رُکتے، ماضی کی پارینہ کتاب یادوں کے بے معنی دفتر، خوابوں کے افسردہ شہاب سب کے سب خاموش زباں سے، کہتے ہیں اے خانہ خراب گُزری بات، صدی یا پل ہو، گُزری بات ہے نقش بر آب یہ رُوداد ہے اپنے سفر کی، اس آباد خرابے میں دیکھو ہم نے کیسے بسر کی، اس آباد خرابے میں شہرِ تمنّا کے مرکز میں، لگا ہُوا ہے میلا سا کھیل کھلونوں کا ہر سو ہے، اک رنگیں گُلزار کھلا وہ اک بالک، جس کو گھر سے ، اک درہم بھی نہیں ملا میلے کی سج دھج میں کھو کر، باپ کی اُنگلی چھوڑ گیا ہوش آیا تو، خُود کو تنہا پا کے بہت حیران ہوا بھیڑ میں راہ ملی نہی گھر کی، اس آباد خرابے میں دیکھو ہم نے کیسے بسر کی، اس آباد خرابے میں وہ بالک ہے آج بھی حیراں، میلا جیوں کا تُوں ہے لگا حیراں ہے، بازار میں چُپ چُپ ،کیا کیا بِکتا ہے سودا کہیں شرافت، کہیں نجات، کہیں مُحبّت، کہیں وفا آل اولاد کہیں بِکتی ہے، کہیں بُزرگ، اور کہیں خُدا ہم نے اس احمق کو آخر، اِسی تَذبذُب میں چھوڑا اور نکالی، راہ مَفر کی، اس آباد خرابے میں دیکھو ہم نے کیسے بسر کی، ا

بچوں جیسی باتیں آج کا کام کل پر نہ ٹالو جو کچھ بھی لکھنا ہے لکھ ڈالو اِدھر اُدھر کی جھوٹی باتیں ذرا ذرا سی جیتیں ، ماتیں جانے پھر کب موت آجائے دل کی دل میں ہی رہ جائے

محبت اسے ریشم نہ تم سمجھو نہ اس کی ڈور میں الجھو بہت نازک سی کلی ہے اسے محسوس کردیکھو بہاروں سے خزاں تک کے سفر کو جانتی ہے یہ اسے نہ تم غلط سمجھو نہ یہ تم کو غلط سمجھے اسے کوئی یقین مت دو محبت جانتی سب ہے کسی کی بے وفائی کےسبب پہچانتی ہے یہ اسے خالی نہ تم سمجھو اسے باقی نہ تم سمجھو یہ ہوتی ہے تو ہوتی ہے مگر یہ کُل نہیں ہوتی کہ دل سے دل کو جاننے کے سبھی گرجانتی ہے یہ اسے کوزہ نہ تم سمجھو اسے قطرہ نہ تم سمجھو سمندر کی شکل ہے یہ بہت پرزور موجیں ہیں کبھی جو جوش میں‌ آئے چٹانوں سے ٹکرانا جانتی ہے یہ اسے خواہش نہ تم سمجھو اسے آشیانہ تم سمجھو یہ اک خواب جیسی ہے چراغ آب جیسی ہے لگا کے آگ سینوں‌ میں جلانا جانتی ہے یہ اسے لمحہ نہ تم سمجھو اسے آخر نہ تم سمجھو ازل سے یہ ابد تک ہے کبھی یہ مر نہیں سکتی دھواں بن کے پھر لمحوں میں سمٹنا جانتی ہے یہ

گذرے ہوئے لمحوں کی اُلجھی ہوئی ڈور کے اُس طرف خواب میرے جہاں دفن مٹی میں تھے بارشوں نے وہاں گھاس اتنی اُگا دی کوئی رہنما سی علامت ، نشانی کوئی ، کچھ بچا ہی نہیں کچھ بچا ہی نہیں کہ کسی کی یاد کی کوئی اُلجھی ہوئی ایک گرہ کھولتے ! وہ سِرا ڈھونڈتے ! ایک بھیدوں بھرا ، اور زمانوں پر پھیلا ہوا ! وہ سِرا ڈھونڈتے ! جو کہیں خواب اور اس کی تعبیر کے درمیان میں کھو گیا ! ہوچکی بہت ہجر کی بارشیں دن بہت جا چکے ! خواب میرے جہاں دفن مٹی میں ہیں اب وہاں ہر طرف گھاس ہی گھاس ہے اور اس گھاس میں سرسراتا ہوا سانپ سا ایک ڈر ہے کہیں یہ نہ ہو ! ڈھونڈتے ڈھونڈتے وہ سِرا بھی مل جائے وہ گِرہ کُھل جائے تو لمحوں کی اُلجھی ہوئی ڈور کے اُس طرف کچھ نہ ہو

پلٹ کے دیکھنا چاہو تو نفرتوں سے اُدھر دِنوں کی راکھ پہ راتوں کی یخ ہتھیلی پر ہوا کے ناچتے گِرداب میں کہیں بجھا ہوا کوئی لمحہ کسی چراغ کا داغ نظر پڑے تو سمجھنا کہ میں بھی زندہ ہوں کہ میں بھی زندہ ہوں اپنے اُجڑے دل کی طرح اُجڑا دل کہ جہاں آج بھی تمہارے بغیر ہر ایک شام دھڑکتے ہیں خواہشوں کے کواڑ ہر ایک رات بکھرتی ہے آرزو کی دھنک ہر ایک صبح دہکتے ہیں زخم زخم گلاب اُجڑا دل کہ جہاں آج بھی تمہارے بغیر ہر ایک پل میری آنکھوں میں ڈھل کے ڈھلتا ہے ٹپکتی رُت کی تپش سے بدن پگھلتا ہے اُجڑا دل کہ جہاں ڈوبتا ہوا سورج جبینِ وقت پر لکھتا ہے دوریوں کا پیام پلٹ کے دیکھنا چاہو تو نفرتوں سے اُدھر پسِ غبار درخشاں ہے کب سے ایک ہی نام وہ نام جس پہ ہے مسلسل اعتماد مجھے وہ نام لوحِ جاں پر اُبھر کے بولتا نام نظر پڑے تو سمجھنا کہ تم ہو یاد مجھے۔۔۔ ۔۔۔ ۔۔۔ ۔۔۔ ۔

کبھی بارش کے موسم میں ہوائیں شور کرتی ہیں خیالوں کا موسم بھی جب ابر آلود ہو جائے کوئی اُمید کا تارا کہیں چمکنے سے پہلے ہی بجھ جائے کسی ویران رہ گزر پر آہٹ کا ہر امکان مٹ جائے سکوت مضمحل فضا میں ہر طرف گُھل جائے گزرتا وقت بھی ٹھہر جائے اُسی لمحے اُداسی دہلیز پر اُترتی ہے ہوا تھم سی جاتی ہے حبسِ جاں اور بڑھتا ہے دل کسی صورت پھر بہلتا نہیں۔۔۔ ۔۔۔ ۔۔

دل اندھیروں سے اَٹا تھا محسن کون روشن یہ عمارت کرتا؟

بعد مدّت کے یہ اے داغ سمجھ میں آیا وھی دانا ہے کہا جس نے نہ مانا دل کا

بیلچے لاؤ کھولو زمیں کی تہیں میں کہاں دفن ھوں پتہ تو چلے

ﻃﺮﯾﻘﮯ ﻇﻠﻢ ﮐﮯ ﺻﯿﺎﺩ ﻧﮯ ﺳﺎﺭﮮ ﺑﺪﻝ ﮈﺍﻟﮯ ﺟﻮ ﻃﺎﺋﺮ ﺍُﮌ ﻧﮩﯿﮟ ﺳﮑﺘﺎ ﺍﺳﮯ ﺁﺯﺍﺩ ﮐﺮﺗﺎ ﮨﮯ tareeqay Zulm key Saii'Yaad ney Sare Badl Da'lay Jo Taa'yerr Urr nahii Sakta Usse Azaad kerta hy

آدمی کتنا ٹوٹ جاتا ہے میں نے تعمیر ہو کے جانا ہے

میں سوچتی رہ جاتی ھوں جب الفاظ میں ڈھل جاتی باتیں کس نے کہی سوچ کر رہ جاتی ھوں دل کی زباں ھونٹوں سے بیاں ھو پھول کچھہ ایسے کھلے میرے من میں بہار کا انتظار ھو میرے گلشن میں بند آنکھیں ھےخواب اس کے ھے دھندلا چہرہ ھے نظارے اسکے ھے یہ احساسات خیالات سب اس کے ھے

ایک عمر کا بھولا ، سر جھکا ئے آیا ہے دل ہزار کہتا ہے، ہاتھ تھام لوں اسکا ، چوم لوں یہ پیشانی ، لوٹنے نا دوں تنہا ، کوئی دل سے کہتا ہے ، سارے حرف جھوٹے ہیں، “اعتبار مت کرنا

میرے خیال نے جتنے بھی لفظ سوچے ھیں تیری مثال تیری عظمتوں سے۔۔۔۔چھوٹے ھیں

کوئی ایک شخص تو یوں ملے کہ سکوں ملے کوئی ایک لفظ تو ایسا ھو کہ قرار ھو کہیں ایسی رت بھی ملے ھمیں جو بہار ھو کبھی ایسا وقت بھی آئے کہ ھمیں پیار ھو! کوئی ایک شخص تو یوں ملے ۔۔۔ کہ چراغِ جاں اسے نور دے، اسے تاب دے، بنے کہکشاں کائی غم ھو جس كو كہا کریں غمِ جاوداں کوئی یوں قدم کو ملائے کہ بنے کارواں کوئی ایک شخص تو یوں ملے ۔۔۔ کہ قرار ھو میری راہِ گزرِ خیال میں کوئی پھول ھو میں سفر میں ھوں مرے پاؤں پہ کبھی دھول ھو مجھے شوق ھے مجھ سے بھی کبھی کوئی بھول ھو !غمِ ھجر ھو، شبِ تار ھو، بڑا طول ھو۔۔۔ کوئی ایک شخص تو یوں ملے ۔۔۔ کہ قرار ھو کہ جو عکسِ ذات ھو، ھو بہو میرا آئینہ، میرے رو برو کوئی ربط کہ جس میں نا مَیں، نہ تُو سرِ خامشی کوئی گفتگو ۔۔۔ کوئی ایک شخص تو یوں ملے کہ سکوں ملے

تمہیں یاد ہے جاناں گزشتہ سال نومبر میں اسی طرح کا موسم تھا ،،،،، جب تم نے کہا تھا مجھ سے چلو ہم نام بدلتے ہیں کوئی اچھے سے فرضی نام ہاں ! اس وقت میں نے تمہاری بات ان سنی سی کردی تھی مگر جب سے لگی ٹھوکر تو اب کچھ نام ذہن میں آگۓ آج سے اسی نومبر میں وہ فرضی نام ۔نام رکھے ہیں میرا نام آج سے "تنہا " اور تمہارا نام "موسم " ہے " تنہا " اناپرست ٹھرا اور موسم" بیوفا" جاناں

گیسؤ ِےشام میں ایک ستارہ ایک خیال دل میں لئے پھرتے ہیں تمہارا ایک خیال بام ِفلک پر سورج، چاند، ستارے تھے ہم نے بیاض ِدل پہ اتارا ایک خیال کبھی تو ان کو بھی دیکھو، جن لوگوں نے عمر گنوائی اور سنوارہ ایک خیال یوں بھی ہوا ہے دل کے مقابل دنیا تھی پھر بھی نہ ہارا، پھر بھی نہ ہارا ایک خیال ایک مسافت، ایک اداسی، ایک فراز ایک تمنا، ایک شرارہ، ایک خیال

کترنیں روح کی آؤ که ,سمیٹیں فرخ کیا خبر ، لوٹ کے آجائے رفو کا موسم

میرا سورج یہ اداس آنکھیں میری--- کرب تنہائی میں جلتی ہوئی اس ذات کے دروازے پر--- راستہ دیکھتی رہتی ہیں کسی بادل کا--- ایسا بادل--- جو مرے جسم کے صحرا کو بھی ساحل کر دے--- ہاتھ ہاتھوں پہ رکھے--- روح کو جل تھل کر دے--- اداس آنکھیں میری---- ظلم کی دھند میں لپٹی ہوئی اس رات کے دروازے پر--- راستہ دیکھتی رہتی ہیں کسی سورج کا--- ایسا سورج--- جو محبت کے ہر اک نقش کو روشن کر دے---- خوف کی لہر سے جمتے ہوئے لوگوں میں حرارت بھر دے---- بھاگتے دوڑتے اس وقت کے ہنگامے میں---- وہ جو اک لمحہ امر ہے--- وہ ٹھہرتا ہی نہیں--- بے یقینی کا یہ ماحول بکھرتا ہی نہیں--- میرا سورج !!! میرے آنگن میں اترتا ہی نہیں

زندگی میں بڑی کشش ھے ابھی آپ کا__________اعتبار باقی ھے

جب سے دیکھی طبیب کی آنکھیں تب سے____بیمار بن کے جیتا ہوں

بہت آہستگی سے ہر لمحہ ڈوبتی اک صدا کی صورت میں خلوتِ جاں میں بجھ رہا ہوں مجھے دعاؤں میں یاد رکھیے

هوا شهر ستم کو ابهی پتا نه چلے.. میرے دوپڻے میں اک سرخ گلاب باقی هے

جو مری زمیں کا حاکم نہ زمیندار ہوتا وہاں صنعتیں بھی لگتیں وہاں روز گار ہوتا جو ہوس رہی ہمیشہ وہ ہوس اگر نہ ہوتی تو یہ نفرتیں نہ بڑھتیں نہ یہ انتشار ہوتا جو ذرا سا ہوتا ایماں جو ضمیر پاس ہوتا تو کبھی بھی یوں مسلماں نہ ذلیل و خوار ہوتا جو ظفر گھٹا اُٹھی تھی وہ گھٹا اگر برستی تو یہ گرد ہی نہ اُٹھتی نہ کوئی غبار ہوت

میرے بچوں کے چہروں پہ بھوک اگ رہی ہے میرے ماتھے سے میری خدائی کا سورج طلوع ہو رہا ہے میرے ماتھے پہ فٹ پاتھ کے ان مکینوں کی لاشیں سجی ہیں جنکے ہاتھوں میں قسمت نے لکھا ہوا ہے بے خبر سو رہو بے خبر سو رہو مت کسی سے دکھوں کی کہانی کہو

کچھ سمجھ کر ہی بنا ہوں موج دریا کا حریف ورنہ میں بھی جانتا ہوں عافیت ساحل میں ہے۔

گرد صحرا کے ہدف ہیں ہم سرابوں کے صدف ہم پہ دو آنسو بہا اے ابرنیساں ایک دن

نظر اٹھائوں تو سنگ مر مر کی کور، بے حس سفید آنکھیں نظر جھکائوں تو شیر قالین گھورتا ہے مرے لیے اس محل میں آسودگی نہیں ہے کوئی مجھے ان سفید پتھر کے گنبدوں سے رہا کرائے میں اک صدا ہوں مگر یہاں گنگ ہوگیا ہو مرے لیے تو انہیں درختوں کے سبز گنبد میں شانتی تھی جہاں میری بات گونجتی تھی

تریاق گاؤں کے اجڑے ہوئے مدفن میں پونم کا طلسم آج کی تہذیب کے ہر زہر کا تریاق ہے شہر والوں کی تبسم کی ریاکاری سے دور محفلوں کی کھوکھلی سنجیدہ گفتاری سے دور الجھے الجھے سے دلائل کی گرانباری سے دور محفلیں لوح تکلف کی وہی پٹتی لکیر اپنی اپنی چار دیواری کے زنداں میں اسیر کیا کرے وہ جس کے دس میں وسعت آفاق ہے آ سحر تک اس دبستان حقیقت میں پڑھیں موت کے بوڑھے معلم سے کتاب زندگی

شامِ غم کی سحر نہیں ہوتی یا ہمیں کوخبر نہیں ہوتی ہم نے سب دکھ جہاں کے دیکھے ہیں بے کلی اس قدر نہیں ہوتی نالہ یوں نا رسا نہیں رہتا آہ یوں بے اثر نہیں ہوتی چاند ہے، کہکشاں ہے تارے ہیں کوئی شے نامہ بر نہیں ہوتی ایک جاں سوز و نامراد خلش اس طرف ہے اُدھر نہیں ہوتی دوستو، عشق ہے خطا لیکن کیا خطا درگزر نہیں ہوتی رات آکر گزر بھی جاتی ہے اک ہماری سحر نہیں ہوتی بے قراری سہی نہیں جاتی زندگی مختصر نہیں ہوتی ایک دن دیکھنے کو آجاتے یہ ہوس عمر بھر نہیں ہوتی حُسن سب کو خدا نہیں دیتا ہر کسی کی نظر نہیں ہوتی دل پیالہ نہیں گدائی کا عاشقی در بہ در نہیں ہوتی

ہو گئی ہے غیر کی شیریں بیانی کارگر عشق کا اس کو گماں ہم بے زبانوں پر نہیں

حیراں ہوں، دل کو روؤں کہ پیٹوں جگر کو مَیں مقدور ہو تو ساتھ رکھوں نوحہ گر کو مَیں چھوڑا نہ رشک نے کہ ترے گھر کا نام لوں ہر اک سے پُو چھتا ہوں کہ “ جاؤں کدھر کو مَیں“ جانا پڑا رقیب کے در پر ہزار بار اے کاش جانتا نہ تری رہ گزر کو مَیں ہے کیا، جو کس* کے باندھیے میری بلا ڈرے کیا جانتا نہیں ہُوں تمھاری کمر کو مَیں لو، وہ بھی کہتے ہیں کہ ’یہ بے ننگ و نام ہے‘ یہ جانتا اگر، تو لُٹاتا نہ گھر کو مَیں چلتا ہوں تھوڑی دُور ہر اک تیز رَو کے ساتھ پہچانتا نہیں ہُوں ابھی راہبر کو مَیں خواہش کو احمقوں نے پرستش دیا قرار کیا پُوجتا ہوں اس بُتِ بیداد گر کو مَیں پھر بے خودی میں بھول گیا راہِ کوئے یار جاتا وگرنہ ایک دن اپنی خبر کو مَیں اپنے پہ کر رہا ہُوں قیاس اہلِ دہر کا سمجھا ہوں دل پذیر متاعِ ہُنر کو میں غالبؔ خدا کرے کہ سوارِ سمندرِ ناز دیکھوں علی بہادرِ عالی گُہر کو میں

اورکتنے دئیے جلاؤ گے؟ گھرکو تم نے مزار کرڈالا

اَب تک شکستِ فاش کی خفت نہیں مٹی اک جنگ اپنے آپ سے ہارا تھا میں کبھی

ﺳﻤﺠﮭﮯ ﮔﺎ ﮐﻮﻥ ؟؟ ﺟﺎﮔﺘﯽ ﺁﻧﮑﮭﻮﮞ ﮐﮯ ﺧﻮﺍﺏ ﮐﻮ ﮨﻢ ﺍﭘﻨﮯ ﺣﺎﺩﺛﻮﮞ ﮐﮯ ۔۔۔۔۔۔۔۔۔۔۔۔۔۔۔ ۔۔۔ ﺍﮐﯿﻠﮯ ﮔﻮﺍﮦ ﮨﯿﮟ

ﯾﺎﺩﯾﮟ ﮐﻨﮑﺮ پھینک ﺭﮨﯽ ﮨﯿﮟ ! ﻣﯿﮟ ﺍﻧﺪﺭ ﺳﮯ ﭨﻮﭦ ﺭﮨﺎ ﮨﻮﮞ

خوف آتا ہے تو بس خواب کی بے خوفی سے ورنہ اس آنکھ سے کیا کیا نہیں دیکھا جاتا

میں تو حیران ہوں حیران نہیں ہے کوئی آدمی اتنے ہیں انسان نہیں ہے کوئی

ہے کہاں تمنّا کا دوسرا قدم یا رب ہم نے دشتِ امکاں کو ایک نقشِ پا پایا

اداسی ، شام، تنہائی، کسک , یادوں کی بے چینی مجھے سب سونپ کر سورج اتر جاتا ہے پانی میں

عشق کو یہ کمال حاصل ہے... وقت بے وقت اچھا لگتا ہے

شہرِ خوبی کو خوب دیکھا میر جنسِ دل کا کہیں رواج نہیں

یونہی افزائشِ وحشت کےجو ساماں ہوں گے دل کے سب زخم بھی ہم شکلِ گریباں ہوں گے وجہِ مایوسئ عاشق ہے تغافل ان کا نہ کبھی قتل کریں گے، نہ پشیماں ہوں گے دل سلامت ہے تو صدموں کی کمی کیا ہم کو بے شک ان سے تو بہت جان کے خواہاں ہوں گے منتشر ہو کے بھی دل جمع رکھیں گے یعنی ہم بھی اب پیروئے گیسو ئے پریشاں ہوں گے گردشِ بخت نے مایوس کیا ہے لیکن اب بھی ہر گوشۂ دل میں کئ ارماں ہوں گے ہے ابھی خوں سے فقط گرمئ ہنگامۂ اشک پر یہ حالت ہے تو نالے شرر افشاں ہوں گے باندھ کر عہدِ وفا اتنا تنفّر، ہے ہے تجھ سے بے مہر کم اے عمرِ گریزاں ہوں گے اس قدر بھی دلِ سوزاں کو نہ جان افسردہ ابھی کچھ داغ تو اے شمع! فروزاں ہوں گے عہد میں تیرے کہاں گرمئ ہنگامۂ عیش گل میری قسمت واژونہ پہ خنداں ہوں گے خوگرِ عیش نہیں ہیں ترے برگشتہ نصیب اُن کو دشوار ہیں وہ کام جو آساں ہوں گے موت پھر زیست نہ ہوجائے یہ ڈر ہے غالب وہ مری نعش پہ انگشت بہ دنداں ہوں گے

شام تک قید رھا کرتے ھیں دل کے اندر درد ھو جاتے ھیں سارے ہی رھا شام کے بعد

لت ایسی پڑی شہر میں رونے کی سبھی کو ہر شخص نے سینے میں کوئی قبر بنا لی

وہ شاخِ مہتاب کٹ چکی ہے بہت دِنوں سے وہ شاخِ مہتاب کٹ چکی ہے کہ جس پہ تم نے گرفتِ وعدہ کی ریشمی شال کے ستارے سجا دئیے تھے بہت دنوں سے۔۔۔ وہ گردِ احساس چھٹ چکی ہے کہ جس کے ذرّوں پہ تُم نے پلکوں کی جھالروں کے تمام نیلم لُٹا دئیے تھے! اور اب تو یوں ہے کہ جیسے لب بستہ ہجرتوں کا ہر ایک لمحہ طویل صدیوں کو اوڑھ کر سانس لے رہا ہے اور اب تو یوں ہے کہ جیسے تم نے پہاڑ راتوں کو میری اندھی اجاڑ آنکھوں میں ریزہ ریزہ بسا دیا ہے کہ جیسے میں نے فگار دِل کا ہُنر اثاثہ کہیں چھپا کر بھُلا دیا ہے! اور اب تو یوں ہے کہ اپنی آنکھوں پہ ہاتھ رکھ کر میرے بدن پر سجے ہوئے آبلوں سے بہتا لہو نہ دیکھو (مجھے کبھی سرخرو نہ دیکھو) نہ میری یادوں کے جلتے بجھتے نشاں کریدو! نہ میرے مقتل کی خاک دیکھو اور اب تو یوں ہے کہ اپنی آنکھوں کے خواب اپنے دریدہ دامن کے چاک دیکھو! کہ گردِ ا حساس چھٹ چکی ہے کہ شاخ ِ مہتاب کٹ چکی ہے

شب و روز آقا کا چرچا کریں ہم اسی میں ہے پوشیدہ بخشش ہماری

نہ جانے کتنے ارادوں میں بٹ گیا ہے وجود بھلا دیا ہے اسے اور بے قرار بھی ہوں

مجھے یقین ہے آرائش جمال کے بعد تمہارے ہاتھ سے آئینہ گرگیا ہوگا

کچھ بھی تو نہیں ویسا کچھ بھی تو نہیں ویسا جیسا تجھے سوچا تھا جتنا تجھے چاہا تھا سوچا تھا تیرے لب پر کچھ حرف دعاؤں کے کچھ پھول وفاؤں کے مہکیں گئے میری خاطر کچھ بھی تو نہیں ویسا جیسا تجھے سوچا تھا محسوس یہ ہوتا ہے دکھ جھیلے تھے جو اب تک بے نام مسافت میں لکھنے کی محبت میں پڑھنے کی ضرورت میں بے سود ریاضت تھی بے فیض عبادت تھی جو خواب بھی تھے دیکھے ان جاگتی آنکھوں نے سب خام خیالی تھی پھر بھی تجھے پانے کی دل کے کسی گوشے میں خواہش تو بچا لی تھی لیکن تجھے پا کر بھی اور خود کو گوا کر بھی اس حبس کے موسم کی کھڑکی سے ہوا آئی نا پھول سے خوشبو کی کوئی بھی سدا آئی اب نیند ہے آنکھوں میں نا دل میں وہ پہلی سی تازہ سخن آرائی نا لفط میرے نکلے نا حرف و معانی کی دانش میرے کام آئی ندیدہ رفاقت میں جتنی بھی اذیت تھی سب میرے ہی نام آئی کچھ بھی تو نہیں ویسا جیسا تجھے سوچا تھا جیسا تجھے چاہا تھا

اوقات میں ہاں کمی کمین اے ربَ میری کی اوقات اُچا تیرا نام اے ربَ اُچی تیری ذات رحمتاں تیریاں برسا برسنو، کی سیّد تے کمہار تیری نظر وچ سب برابر نا موچی نا سردار بندہ اوہ ہی چنگا جو کرے تیرے بندے نال پیار میں ہاں کمی کمین اے ربَ میری کی اوقات نا میں تکیا کعبہ تے نا میں گیا میستی نا میں پڑھی نماز پنگانہ نا خیرات کیتی فیر وی تیرا کرم اے ربَ کوئی کمی نا کیتی میں ہاں کمی کمین اے ربَ میری کی اوقات مرشد میرا تو ں اے ربَ توں ہی میرا والی ا کو اک تیرا نام کر دی تیری ذات رکھوالی کر قبول میری عرضی میں ہاں اک سوالی میں ہاں کمی کمین اے ربَ میری کی اوقات اوچا تیرا نام اے ربَ اوچی تیری ذات

بازار کی گرمی کو حّدت نہیں گردانا قیمت کو کسی شے کی قیمت نہیں گردانا اعصاب سوالوں میں مصروف ہی ایسے تھے فرصت کو کبھی ہم نے فرصت نہیں گردانا نیلام کیا ہم نے حسّاس طبیعت کو جب دل نے تمنا کو حسرت نہیں گردانا دکھ ہجر کے کھولے ہیں بستر کی اذیّت نے تکیے کو سرہانے کی خدمت نہیں گردانا تاخیر زدہ رکھّا معلوم کے خطروں کو اِدراک کی سُرعت کو سُرعت نہیں گردانا مُٹھّی میں رکھا ہم نے اُڑتے ہوئے بالوں کو وحشت کو کبھی ہم نے وحشت نہیں گردانا بدنام ہوئی میری شمشیر کی عریانی دشمن نے مروّت کو مہلت نہیں گردانا تبدیل کیا گویا ترتیبِ عناصر کو جانے کو ترے ہم نے ہجرت نہیں گردانا کچھ اُس کے تقرّب کی تسکین ہی ایسی تھی جذبات کی شدّت کو شدّت نہیں گردانا جب زہر دیا اُس نے ہم جاں سے نہیں گزرے حیرانی کے عالم کو حیرت نہیں گردانا کچھ دل ہی ملوث تھا خدشوں کی ترقی میں اک رنج کو بھی غم کی صورت نہیں گردانا حیرت کے تناظر میں دھوکا دیا آنکھوں نے سُرخی کو ترے لب کی سُرخی نہیں گردانا بیٹھا تھا سرِ محفل ہوکر میں دھواں لیکن یاروں نے مجھے حسبِ حالت نہیں گردانا میں نے تو اسے محسن سو رُوپ دیے پھر بھی اُس نے مری صورت

چشم ہو تو آئینہ خانہ ہے دہر مُنہ نظر آتا ہے دیواروں کے بیچ

محفوظ رکھنا ترکِ تعلق کا تجربہ آئندہ عشق میں بھی یہی کام آئے گا

باہر سے جا ملا مرے اندر کا انتشار اپنے خلاف میں نے بھی پتھر اٹھا لی

پروانہ اور جگنو پروانہ پروانے کي منزل سے بہت دور ہے جگنو کيوں آتش بے سوز پہ مغرور ہے جگنو جگنو اللہ کا سو شکر کہ پروانہ نہيں ميں دريوزہ گر آتش بيگانہ نہيں ميں بال جبرائیل علامہ اقبال

ابليس کي عرضداشت . کہتا تھا عزازيل خداوند جہاں سے پرکالہء آتش ہوئي آدم کي کف خاک! جاں لاغر و تن فربہ و ملبوس بدن زيب دل نزع کي حالت ميں ، خرد پختہ و چالاک! ناپاک جسے کہتي تھي مشرق کي شريعت مغرب کے فقيہوں کا يہ فتوي ہے کہ ہے پاک! تجھ کو نہيں معلوم کہ حوران بہشتي ويراني جنت کے تصور سے ہيں غم ناک؟ جمہور کے ابليس ہيں ارباب سياست باقي نہيں اب ميري ضرورت تہ افلاک! بال جبرائیل علامہ اقبا

ہے کس کی يہ جرات کہ مسلمان کو ٹوکے حريت افکار کی نعمت ہے خدا داد چاہے تو کرے کعبے کو آتش کدہ پارس چاہے تو کرے اس ميں فرنگی صنم آباد قرآن کو بازيچہ تاويل بنا کر چاہے تو خود اک تازہ شريعت کرے ايجاد ہے مملکت ہند ميں اک طرفہ تماشا اسلام ہے محبوس ، مسلمان ہے آزاد ضربِ کلیم۔ علامہ اقبال

تجے کیا خبر ہے کہ رات بھر ، تجے دیکھ پانے کواک نظر رہا ساتھ چاند کے منتظر ، تیری کھڑکیوں سےادھرکوئی

یوں تو سیّد بھی ہو، مرزا بھی ہو، افغان بھی ہو تُم سبھی کُچھ ہو، بتاؤ تو مُسلمان بھی ہو؟

آنے والی رتوں کے آنچل میں کوئی ساعت سعید کیا ہو گی چاند کے پاس بھی سنانے کو اب کے کوئی نوید کیا ہو گی ۔ ۔ ۔ ؟ گل نہ ہو گا ۔ ۔ ۔ تو جشنِ خوشبو کیا؟ تم نہ ہو گے ۔ ۔ ۔ تو عید کیا ہو گی

مری دہلیز پر بیٹھی ہوئی زانو پہ سر رکھے یہ شب افسوس کرنے آئی ہے کہ میرے گھر پہ آج ہی جو مر گیا ہے دن وہ دن ہمزاد تھا اس کا ۔ ۔ ۔ ۔ وہ آئی ہے کہ میرے گھر میں اس کو دفن کر کے اک دیا دہلیز پر رکھ کر نشانی چھوڑ دے ۔ ۔ ۔ کہ محو ہے یہ قبر اس میں دوسرا آ کر نہیں لیٹے ۔ ۔ ۔ میں شب کو کیسے بتلاوں بہت دن میرے آنگن میں یونہی آدھے ادھورے سے کفن اوڑھے پڑے ہیں کتنے سالوں سے ۔ ۔ ۔ ۔ جنہیں میں آج تک دفنا نہیں پایا ۔ ۔ ۔ ۔

ہر کسی کو اتنی ہی اہمیت دو جتنی وہ تمہیں دیتا ہے ۔ ۔ ۔ اگر کم دو گے تو مغرور کہلاؤ گے ، زیادہ دو گے تو خود گِر جاؤ گے

گلوں میں رنگ بھرے باد نوبہار چلے چلے بھی آؤ کہ گلشن کا کاروبر چلے قفس اداس ہے یارو صبا سے کچھـ تو کہو کہیں تو بہـــرخـــدا آج ذکر یار چلے کبھی تو صبح تیرے کنج لب سے ہو آغاز کبھی تو شب سر کاکل سے مشکبار چلے بڑا ہے درد کا رشتہ یہ دل غریب سہی تمہارے نام پہ آئنگے غمگسار چلے جو ہم پہ گذری سو گذری مگر شب ہجراں ہمارے اشک تری عاقبت سنوار چلے حضور یار ہوئے دفتر جنوں کی طلب گرہ میں لے کے گریبان کا تار تار چلے مقام، فیض، کوئے راہ میں جچا ہی نہیں جو کوی یار سے نکلے تو سوی دار چلے

تشگی نے سراب ہی لکھا خواب دیکھا تو خواب ہی لکھا دوستو! ہم نے اپنا حال اُسے جب بھی لکھا، خراب ہی لکھا نہ لکھا اُس نے کوئی بھی مکتوب پھر بھی ہم نے جواب ہی لکھا

اسے یہ کہنا، مجھے نہ سوچے۔ میں دل گرفتہ ادھورا شاعر، میں الجھی سوچوں، بکھرتی نظروں، بھٹکتی راہوں کا اک مسافر۔ خیال ترچھے، سوال آڑھے، قدم میرے لڑکھڑا چکے ھیں ۔ سوال ایسے ، ازل سے جن پر، ضمیر آدم نے کچھ نہ سوچا۔ جواب ایسے کہ گر کبھی ، خود کو بھی بتاؤں، تو کانپ جاؤں۔ گزرتے لمحوں کی گرد، چہرے پہ، تہ بہ تہ ، جمتی ہی جا رہی ھے۔ نقوش میرے، مٹا رہی ھے، میں اپنا خنجر، خود اپنی ، شہ رگ پہ آزما چکا ھوں۔ میں خود بھی، خود کو، بھلا چکا ھوں ۔ اسے یہ کہنا، مجھے نہ سوچے۔۔!!!!!!!!!!!!!

کبھی کبھی میرے دل میں‌خیال آتا ہے کہ زندگی تیری زلفوں کی نرم چھاؤں میں گزرنے پاتی تو شاداب ہو بھی سکتی تھی یہ تیرگی جو میری زیست کا مقدر ہے تیری نظر کی شعاعوں‌میں‌کھو بھی سکتی تھی عجب نہ تھا کہ میں‌ بے گانہ الم ہو کر تیرے جمال کی رعنائیوں میں کھو رہتا تیرا گداز بدن، تیری نیم باز آنکھیں انہی حسین فسانوں میں‌محو ہو رہتا پکارتیں مجھے جب تلخیاں زمانے کی تیرے لبوں سے حلاوت کے گھونٹ پی لیتا حیات چیختی پھرتی برہنہ سر اور میں گھنیری زلفوں کے سایہ میں‌چھپ کے جی لیتا مگر یہ ہو نہ سکا اور اب یہ عالم ہے کہ تو نہیں‌تیرا غم، تیری جستجو بھی نہیں گزر رہی ہے کچھ اس طرح زندگی جیسے اسے کسی کے سھارے کی آرزو بھی نھی زمانے بھر کے دکھوں کا لگا چکا ہوں گلے گزر رہا ہوں کچھ انجانی راہگزاروں‌ سے مہیب سائے میری سمت بڑھتے آتے ہیں حیات و موت کے پرہول خارزاروں سے نہ کوئی جادہ منزل نہ روشنی کا چراغ بھٹک رہی ہے خلاؤں ‌میں ‌زندگی میری انہی خلاؤں میں‌ رہ جاؤں گا کبھی کھو کربھ میں‌ جانتا ہوں میری ہم نفس مگر یونہی کبھی کبھی میرے دل میں‌ خیال آتا ہے ساحر لدھیانوی۔۔۔۔

چلے جاتے ہیں آئے دن بیوٹی پالر میں یوں کہ مقصد ہو جواں لگنا کہ مثل حور ہو جانا مگر یہ بات بیگم کی سمجھ میں کیوں نہیں آتی؟ کہ ممکن ہی نہیں کشمش کا پھر سے انگور ہو جان

حضرت علامہ محمد اقبال رحمۃ اللہ علیہ کی تصنیف ضرب کلیم کی نظم "امامت" تو نے پوچھی ہے امامت کی حقیقت مجھ سے حق تجھے میری طرح صاحب ا سرار کرے ہے وہی تیرے زمانے کا امام برحق جو تجھے حاضر و موجود سے بیزار کرے موت کے آئینے میں تجھ کو دکھا کر رخ دوست زندگی تیرے لیے اور بھی دشوار کرے دے کے احساس زیاں تیر ا لہو گرما دے فقیر کی سان چڑ ھا کر تجھے تلوار کرے فتنہ ملت بیضا ہے امامت اس کی جو مسلماں کو سلاطیں کا پرستار کرے

اپنے بستر پہ بہت دیر سے میں نیم دراز سوچتی تھی کہ وہ اس وقت کہاں پر ہو گا میں یہاں ہوں مگر اُس کوچہ رنگ و بُو میں روز کی طرح سے وہ آج بھی آیا ہو گا اور جب اُس نے وہاں مُجھ کو نہ پایا ہو گا!؟ آپ کو عِلم ہے، وہ آج نہیں آئی ہیں ؟ میری ہر دوست سے اُس نے یہی پُوچھا ہو گا کیوں نہیں آئی وہ کیا بات ہُوئی ہے آخر خُود سے اِس بات پہ سو بار وہ اُلجھا ہو گا کل وہ آئے گی تو میں اُس سے نہیں بولوں گا آپ ہی آپ کئی بار وہ رُوٹھا ہو گا وہ نہیں ہے تو بلندی کا سفر کتنا کٹھن سیڑھیاں چڑھتے ہُوئے اُس نے یہ سوچا ہو گا راہداری میں ، ہرے لان میں ،پھُولوں کے قریب اُس نے ہر سمت مُجھے آن کے ڈھونڈا ہو گا نام بھُولے سے جو میرا کہیں آیا ہو گا غیر محسوس طریقے سے وہ چونکا ہو گا ایک جملے کو کئی بار سُنایا ہو گا بات کرتے ہُوئے سو بار وہ بھُولا ہو گا یہ جو لڑکی نئی آئی ہے،کہیں وہ تو نہیں اُس نے ہر چہرہ یہی سوچ کے دیکھا ہو گا جانِ محفل ہے، مگر آج، فقط میرے بغیر ہائے کس درجہ وہی بزم میں تنہا ہو گا کبھی سناٹوں سے وحشت جو ہُوئی ہو گی اُسے اُس نے بے ساختہ پھر مُجھ کو پُکارا ہو گا چلتے چلتے کوئی مانوس

میں نے خدا کو غلط سمجھا شاید ہم سب ہی خدا کو غلط سمجھتے ہیں۔ ان کی طاقت کا غلط اندازہ لگاتے ہیں، ہمیں خدا پر صرف اس وقت پیار آتا ہے جب وہ ہمیں مالی طور پر آسودہ کر دے اور اگر ایسا نہ ہو تو ہم اسے طاقتور ہی نہیں سمجھتے۔ ہم نماز کے دوارن اللہ اکبر کہتے ہیں، اس بات کا اعتراف کرتے ہیں کہ اللہ سب سے بڑا ہے اور نماز ختم کرتے ہی ہم روپے کو بڑا سمجھنا شروع کر دیتے ہیں مجھے ہميشہ ایسا لگتا تھا کہ خدا مجھ سے نفرت کرتا ہے۔ حالانکہ ایسا نہیں تھا۔ خدا تو ہر ایک سے محبت کرتا ہے اسی لیے تو اس نے مجھے آزمائشوں میں ڈالا اور وہ اپنے انہیں بندوں کو آزمائشں میں ڈالتا ہے جن سے وہ محبت کرتا ہے." عمیرہ احمد کے ناول "زندگی گلزار ہے" سے اقتباس

ہمارے رویے بھی عحیب ہیں - رجوع اللہ کی طرف نہیں ہے ، اپنے معاملات اور خواہشات کی طرف زیادہ ہے - حالانکہ اللہ نے ہمیں جو پرچہ زندگی حل کرنے کے لیے دیا ھے اس کو حل کرنے کی ترکیب نبی اکرم صلی اللہ علیہ وسلم کے ذریعے ہمیں دے دی گئی ھے لیکن اسی مقام سے میری کوتاہی شروع ہو جاتی ہے کہ ہم اس ترکیب پر عمل نہیں کرتے- میں آپ سے بھی رائے لوں گا کہ میں اس کوتاھی سے باہر نکلنے کے لیے کیا کروں ؟ میں ڈاکٹر کی دی ھوئی دوائی استعمال کرتے وقت پرچہ ترکیب ضرور دیکھتا ھوں - پرچہ زندگی حل کرتے وقت خدا کے دیئے گئے احکامات یا دی گئی ترکیب کو نظر انداز کر دیتا ھوں " از اشفاق احمد، زاویہ 3 ، عنوان: "ڈبو اور کالو"

جواب شکوہ دل سے جو بات نکلتی ہے اثر رکھتی ہے پر نہيں' طاقت پرواز مگر رکھتی ہے قدسی الاصل ہے' رفعت پہ نظر رکھتی ہے خاک سے اٹھتی ہے ، گردوں پہ گزر رکھتی ہے عشق تھا فتنہ گرو سرکش و چالاک مرا آسماں چير گيا نالہ بے باک مرا پير گردوں نے کہا سن کے' کہيں ہے کوئی بولے سيارے' سر عرش بريں ہے کوئی چاند کہتا تھا' نہيں! اہل زميں ہے کوئی کہکشاں کہتی تھی' پوشيدہ يہيں ہے کوئی کچھ جو سمجھا مرے شکوے کو تو رضواں سمجھا مجھے جنت سے نکالا ہوا انساں سمجھا تھی فرشتوں کو بھی حيرت کہ يہ آواز ہے کيا عرش والوں پہ بھی کھلتا نہيں يہ راز ہے کيا تا سر عرش بھی انساں کی تگ و تاز ہے کيا آگئی خاک کی چٹکی کو بھی پرواز ہے کيا غافل آداب سے سکان زميں کيسے ہيں شوخ و گستاخ يہ پستی کے مکيں کيسے ہيں اس قدر شوخ کہ اللہ سے بھی برہم ہے تھا جو مسجود ملائک' يہ وہی آدم ہے عالم کيف ہے' دانائے رموز کم ہے ہاں مگر عجز کے اسرار سے نامحرم ہے ناز ہے طاقت گفتار پہ انسانوں کو بات کرنے کا سليقہ نہيں نادانوں کو آئی آواز' غم انگيز ہے افسانہ ترا اشک بے تاب سے لبريز ہے پيمانہ ترا آسماں گير ہوا نعرئہ مستانہ ترا

اعتماد کی دنیا میں اترنے کے لیے ضروری ہے کہ ہم اپنی شہ رگ کی بیٹھک اور شہ رگ کی ڈرائنگ روم کا کسی نہ کسی طرح آہستگی سے دروازہ کھولیں - اس کی چٹخنی اتاریں اور اس شہ رگ کی بیٹھک میں داخل ہو جائیں جہاں اللہ پہلے سے موجود ہے

کرو، جو بات کرنی ہے اگر اس آس پہ بیٹھے، کہ دنیا بس تمہیں سننے کی خاطر گوش بر آواز ہو کر بیٹھ جائے گی تو ایسا ہو نہیں سکتا زمانہ، ایک لوگوں سے بھرا فٹ پاتھ ہے جس پر کسی کو ایک لمحے کے لئے رُکنا نہیں ملتا بٹھاؤ لاکھ تُم پہرے تماشا گاہِ عالم سے گزرتی جائے گی خلقت بِنا دیکھے، بِنا ٹھہرے جِسے تُم وقت کہتے ہو دھندلکا سا کوئی جیسے زمیں سے آسماں تک ہے یہ کوئی خواب ہے جیسے نہیں معلوم کچھ اس خواب کی مہلت کہاں تک ہے کرو، جو بات کرنی ہے

اُداس رہنا نصیب اپنا، عطا تُمہاری ھے بے نیازی قُبول، گر ھے اَدا تُمہاری ہم اب جو رُوٹھے تو اُس نگر کے مُقیم ھوں گے جہاں سے واپس نہ لا سکے گی صدا تُمہاری محبّتوں کے نصیب میں ھیں اُجاڑ شامیں ہمیں بھی آخر بچا نہ پائی دُعا تُمہاری اَب اِس قدر بھی نہ شدّتوں سے مِلا کرؤ تُم کہیں نہ ہم کو اسیر کر دے وفا تُمہاری

یارو نگہ یار کو ، یاروں سے گلہ ہے خونیں جگروں ، سینہ فگاروں سے گلہ ہے جاں سے بھی گئے ، بات بھی جاناں کی نہ سمجھیجاناں کو بہت عشق کے ماروں سے گلہ ہے اب وصل ہو یا ہجر ، نہ اب تک بسر آیا اک لمحہ ، جسے لمحہ شماروں سے گلہ ہے اڑتی ہے ہر اک شور کے سینے سے خموشی صحراؤں پر شور دیاروں سے گلہ ہے بیکار کی اک کارگزاری کے حسابوں بیکار ہوں اور کار گزاروں سے گلہ ہے بے فصل اشاروں سے ہوا خونِ جنوں کا ان شوخ نگاہوں کے اشاروں سے گلہ ہے شاعر: جون ایلیا

یارب! لبِ خموش کو ایسا جمال دے جو گفتگو کے سارے ہی لہجے اجال دے سوزِ درونِ قلب کو اتنا کمال دے جو مجھ کو ایک شمع کے قالب میں ڈھال دے پردے ہٹا، دکھا دے تجلّی سے شش جہات پھر مطمئن وجود کو روحِ غزال دے وہ خواب مرحمت ہو کہ آنکھیں چمک اٹھیں وہ سر خوشی عطا ہو کہ دنیا مثال دے وہ حرف لکھ سکوں کہ بنے حرفِ پُر اثر اک کام کر سکوں تو مجھے گر مجال دے میں اپنی شاعری کے لیے آئنہ بنوں راحت نہیں ، تو مجھ کو بقائے ملال دے تیرے ہی آستاں پہ جھکی ہو جبینِ دل اپنے ہی در کے واسطے خوئے سوال دے

وحشت کا اثر خواب کی تعبیر میں ہوتا اک جاگنے والا میری تقدیر میں ہوتا اک عالم خوبی ہے میسر مگر اے کاش اس گل کا علاقہ میری جاگیر میں ہوتا اس آہوئے رم خوردہ و خوش چشم کی خاطر اک حلقہ خوشبو میری زنجیر میں ہوتا مہتاب میں اک چاند سی صورت نظر آتی نسبت کا شرف سلسلۂ میر میں ہوتا مرتا بھی جو اس پر تو اسے مار کے رکھتا غالب کا چلن عشق کی تقصیر میں ہوتا اک قامتِ زیبا کا یہ دعوی ہے کہ وہ ہے ہوتا تو میرے حرفِ گرہ گیر میں ہوتا

نہیں زمیں پہ کسی کا بھی اعتبار مجھے کہا تھا کس نے کہ افلاک سے اتار مجھے بہ سطحِ کوزہ گرِ دہر چیختا ہے کوئی میں جیسے حال میں ہوں چاک سے اتار مجھے بس ایک دن کے لئے تو مری جگہ آ جا بس ایک دن کے لئے سونپ اختیار مجھے تجھے کہا تھا کہ لو دے اٹھے گی لاش مری تجھے کہا تھا کہ تو روشنی میں مار مجھے تری صدا کے پلٹنے سے قبل پہنچوں گا تو ایک بار بہ جذبِ جنوں پکار مجھے کبھی تو ماں کی طرح ٹوٹ کر ملے اختر کبھی تو دوڑ کے سینے لگائے دار مجھے

وہ کوئی اور نہ تھا چند خشک پتے تھے شجر سے ٹوٹ کے جو فصلِ گُل پہ روئے تھے ابھی ابھی تمہیں سوچا تو کچھ نہ یاد آیا ابھی ابھی تو ہم اک دوسرے سے بچھڑے تھے تمہارے بعد چمن پر جب اک نظر ڈالی کلی کلی میں خزاں کے چراغ جلتے تھے تمام عمر وفا کے گنہگار رہے یہ اور بات کہ ہم آدمی تو اچھے تھے شبِ خاموش کو تنہائی نے زباں دے دی پہاڑ گونجتے تھے، دشت سنسناتے تھے وہ ایک بار مرے جن کو تھا حیات سے پیار جو زندگی سے گریزاں تھے روز مرتے تھے نئے خیال اب آتے ہیں ڈھل کے ذہن میں ہمارے دل میں کبھی کھیت لہلہاتے تھے یہ ارتقاء کا چلن ہے کہ ہر زمانے میں پرانے لوگ نئے آدمی سے ڈرتے تھے ندیم جو بھی ملاقات تھی ادھوری تھی کہ ایک چہرے کے پیچھے ہزار چہرے تھ شاعر: احمد ندیم قاسمی

یہاں ہر وقت یہ میلہ رہے گا مگر یہ دل یونہی تنہا رہے گا جلیں گے جب تلک یہ چاند تارے ہمارے عشق کا چرچا رہے گا یہ دل بھی ڈوب جائے گا کسی دن چڑھا جب حُسن کا دریا رہے گا خلاؤں میں زمیں گم ہو گئی ہے اکیلا آسماں روتا رہے گا تجھے یوں بھولنا ممکن نہیں ہے ابھی دل میں تِرا سودا رہے گا خوشی کی لاش کاندھوں پر اٹھائے یہ دکھ کا کارواں چلتا رہے گا ترے آنے کی کیا خوشیاں منائیں لگا جانے کا جب دھڑکا رہے گا شاعر: احمد فواد

لب پر کسی کا بھی ہو، دل میں تیرا نقشا ہے اے تصویر بنانے والی، جب سے تجھ کو دیکھا ہے بے ترے کیا وحشت ہم کو، تجھ بن کیسا صبر و سکوں تو ہی اپنا شہر ہے جانی تو ہی اپنا صحرا ہے نیلے پربت، اودی دھرتی، چاروں کوٹ میں تو ہی تو تجھ سے اپنے جی خلوت، تجھ سے من کا میلا ہے آج تو ہم بکنے کو آئے، آج ہمارے دام لگا یوسف تو بازار وفا میں ایک ٹکے کو بکتا ہے لے جانی اب اپنے من کے پیراہن کی گرہیں کھول لے جانی اب آدھی شب ہے چار طرف سناٹا ہے طوفانوں کی بات نہیں ہے، طوفاں آتے جاتے ہیں تو اک نرم ہوا کا جھونکا، دل کے باغ میں ٹھہرا ہے یا تو آج ہمیں اپنا لے یا تو آج ہمارا بن دیکھ کہ وقت گزرتا جائے، کون ابد تک جیتا ہے شاعر: ابن انشاء

یوں تو کہنے کو بہت لوگ شناسا میرے کہاں لے جاؤں تجھے اے دلِ تنہا میرے وہی محدود سا حلقہ ہے شناسائی کا یہی احباب مرے ہیں، یہی اعدا میرے میں تہِ کاسہ و لب تشنہ رہوں گا کب تک تیرے ہوتے ہوئے ، اے صاحبِ دریا میرے مجھ کو اس ابرِ بہاری سے ہے کب کی نسبت پر مقدر میں وہی پیاس کے صحرا میرے دیدہ و دل تو ترے ساتھ ہیں اے جانِ فراز اپنے ہمراہ مگر خواب نہ لے جا میرے

احساس عنايت کر آثار مصيبت کا امروز کی شورش ميں انديشۂ فردا دے ميں بلبل نالاں ہوں اک اجڑے گلستاں کا تاثير کا سائل ہوں ، محتاج کو ، داتا دے