Urdu Duniya اُردو دنیا

شام کا منظر، اجلا رستہ، ایک کہانی تو اور میں ڈھلتا سورج، بڑھتا سایہ، کشتی رانی تو اور میں بند اک کمرہ، چپ کا منظر، بھولی بسری، دیپک یاد تنہائی، دکھ، خوف کی لذت، دلبرجانی تو اور میں تتلی خوشبو، رنگ کی باتیں، شبنم سے شرمیلے خواب آس کا پنچھی، گم سم خواہش، رات کی رانی تو اور میں پلکیں، چلمن، شرما شرمی، کم کم گویا نظریں، قرب راتوں جیسی سیدھی سادھی اک نادانی تو اور میں

جو دل میں ہو، سو کہو تم، نہ گفتگُو سے ہٹو رہو، پر آنکھ کے آگے، نہ رُوبرُو سے ہٹو میں آپ پھیرتا ہُوں، اپنے حلْق پر خنجر چھُری اُٹھالو تم اپنی، مِرے گلُو سے ہٹو شہیدِ ناز کے، ہرزخْم سے ہے خُوں جاری تمھارا، تر نہ ہو دامن کہیں لہُو سے، ہٹو جو پیش آئے وہ مستو، کرم ہے ساقی کا نہ پھیروجام سے منہ، اور نہ تم سبُو سے ہٹو بہادرشاہ ظفر

شاعر محسن نقوی خواب تھا دیدہ بیدار تلک آیا تھا دشت بھٹکتا ہوا دیوار تلک آیا تھا اب میں خاموش اگر رہتا تو عزت جاتی میرا دشمن میرے کردار تلک آیا تھا اتنا گریہ ہوا مقتل میں کہ توبہ توبہ   زخم خود چل کے عزادار تلک آیا تھا عشق کچھ سوچ کے خاموش رہا تھا ورنہ   حسن بکتا ہوا بازار تلک آیا تھا محسن اس وقت مقدر نے بغاوت کر دی   جب میں اس شحص کے معیار تلک آیا تھا

سینہ دہک رہا ہو تو کیا چُپ رہے کوئی کیوں چیخ چیخ کر نہ گلا چھیل لے کوئی ثابت ہُوا سکونِ دل و جان نہیں کہیں رشتوں میں ڈھونڈتا ہے تو ڈھونڈا کرے کوئی ترکِ تعلقات تو کوئی مسئلہ نہیں یہ تو وہ راستہ ہے کہ چل پڑے کوئی دیوار جانتا تھا جسے میں، وہ دھول تھی اب مجھ کو اعتماد کی دعوت نہ دے کوئی میں خود یہ چاہتا ہوں کہ حالات ہوں خراب میرے خلاف زہر اُگلتا پھرے کوئی اے شخص اب تو مجھ کو سبھی کچھ قبول ہے یہ بھی قبول ہے کہ تجھے چھین لے کوئی !! ہاں ٹھیک ہے میں اپنی اَنا کا مریض ہوں آخرمیرے مزاج میں کیوں دخل دے کوئی اک شخص کر رہا ہے ابھی تک وفا کا ذکر کاش اس زباں دراز کا منہ نوچ لے کوئی۔ جون ایلیا

کہاں تک تاب لائے ناتواں دل کہ صدمے اب مسلسل ہو گئے ہیں ناصر کاظمی

میں بچپن میں سبھی دُکھ گھر کی دیواروں پہ ... لکھ دینے کا عادی تھا مگر پردیس میں آکر ... میں اپنے گھر کی دیواروں پہ روشن سب دُکھوں کو بھُول بیٹھا ہوں مجھے ماں نے بتایا ہے کہ اب کی بارشوں میں گھر کی دیواریں بھی روئی ہیں سو گھر جا کر مجھے دیوار پر لکھی ہوئی تحریر کا ملبہ اُٹھا نا ہے کہ میں بچپن میں سبھی دُکھ گھر کی دیواروں پہ لکھ دینے کا عادی تھا

اس نے کہا کہ ہم بھي خريدار ہو گئے بِکنے کو سارے لوگ ہي تيار ہو گئے اس نے کہا کہ ايک وفادار چاہيئے   سارے جہاں کے لوگ وفادار ہو گئے اس نے کہا کہ کوئي گنہگار ھے يہاں جو پارسا تھے وہ بھي گنہگار ہو گئے اس نے کہا کہ کاش کوئي جنگجو ملے آپس ميں يار برسرِ پيکار ہوگئے اس نے کہا عديم مرا ہاتھ تھامنا چاروں طرف سے لوگ نمودار ہوگئے عديم ہاشمی

بے سبب اداسی تھی اب کے اُس کے چہرے پر دُکھ تھا ۔۔۔۔ بے حواسی تھی اب کے یوں ملا مجھ سے یوں غزل سنی ۔۔۔۔۔ جیسے میں بھی نا شناسا ہوں وہ بھی اجنبی جیسے زرد خال و خد اُس کے سوگوار دامن تھا اب کے اُس کے لہجے میں کتنا کھردرا پن تھا وہ کہ عمر بھر جس نے شہر بھر کے لوگوں میں مجھ کو ہم سخن جانا خود سے مہرباں سمجھا مجھ کو دلربا لکھا اب کے سادہ کاغذ پر سرخ روشنائی سے اُس نے تلخ لہجے میں میرے نام سے پہلے صرف ” بے وفا “ لکھا !!!!

کیسے لکھوں میں چاند کے قصے، کیسے لکھوں میں پھول کی بات ریت اُڑائے گرم ہوا تو کیسے میں برسات لکھوں.............!!!!!

میری خاموشئ مسلسل کو اک مسلسل گلہ سمجه لو تم

( ابھی محبت نئی نئ ھے ):- ابھی تو ملنے کی ُجستجو ھے ابھی تو مبہم سی گُفتگو ھے ابھی ھے شکوے شکائتوں کا حساب باقی محبتوں کا ابھی ھے سارا نصاب باقی ابھی تعاقب میں رتجگے ھیں ابھی تو خوابوں کے سلسلے ھیں بہت سے دُشوار مرحلے ھیں ابھی تو آنکھوں میں زندگی ھے ابھی تو چہرے پہ تازگی ھے ابھی محبت نئی نئی ھے فاخرہ بتول

اٹھا عجب تضاد سے انسان کا خمیر عادی فنا کا تھا تو پجاری بقاء کا تھا

محبت میں غلط فہمی اگر الزام تک پہنچے کسے معلوم کس کا نام کس کے نام تک پہنچے تیری آنکھوں کے ٹھکرائے ہوئے وہ لوگ تھے شاید جو اک شرمندگی ہونٹوں پہ لیکر جام تک پہنچے

اے دوست محبت کے صدمے تنہا ہی اٹھانے پڑتے ہیں رہبر تو فقط اس رستے میں دو گام سہارا دیتا ہے دو نام ہیں صرف اس دنیا میں ، اک ساقی کا اک یزداں کا اک نام پریشاں کرتا ہے ، اک نام سہارا دیتا ہے   عبد الحمید عدم  

جو دن گزر گئے ہیں ترے التفات میں میں ان کو جوڑ لوں کہ گھٹا دوں حیات میں کچھ میں ہی جانتا ہوں جو مجھ پر گزر گئی دنیا تو لطف لے گی مرے واقعات میں

دل ونظر کی عبادتیں ھوں تو آنسوؤں کو امام کرنا سمندروں کے سفر میں لازم ھے پانیوں سے کلام کرنا جو سجدہ گاہیں تلاش کرنے لگے تو عمریں گذار دو گے خود اپنے سائے کی صف بچھانا وھیں سجود و قیام کرنا میں کارواں سے بچھڑ کر اندھی مسافتوں کے عذاب میں ھوں مرا بھی اے ساربان شمس و قمر کوئی انتظام کرنا جہاں دل میں جو روشنی ھے وہ تیرا حصہ، وہ تیرا قصہ جو ظلمتیں ھیں ملامتیں ھیں وہ سب کی سب میرے نام کرنا یہ تازہ لفظوں کے سارے گلدستے سوکھ جائیں گے جب وہ آئے .........تم ان کی آمد پہ احتیاطا کچھ اور بھی انتظام کرنا

جو دن گزر گئے ہیں ترے التفات میں میں ان کو جوڑ لوں کہ گھٹا دوں حیات میں کچھ میں ہی جانتا ہوں جو مجھ پر گزر گئی دنیا تو لطف لے گی مرے واقعات میں میرا تو جرم تذکرہ عام ہے مگر کچھ دھجیاں ہیں میری زلیخا کے ہاتھ میں آخر تمام عمر کی وسعت سما گئی اک لمحۂ گزشتہ کی چھوٹی سے بات میں اے دل ذرا سی جرأت رندی سے کام لے کتنے چراغ ٹوٹ گئے احتیاط میں

وہ جو ٹل جاتی رہی سر سے بلا شام کے بعد کوئی تو تھا کہ جو دیتا تھا دعا شام کے بعد ہم نے تنہائی سے پوچھا کہ ملو گی کب تک اس نے بے چینی سے فوراً ہی کہا شام کے بعد میں اگر خوش بھی رہوں پھر بھی میرے سینے میں سوگواری روتی ہے میرے گھر میں سدا شام کے بعد تم گئے ہو تو سیاہ رنگ کے کپڑے پہنے پھرتی رہتی ہے میرے گھر قضا شام کے بعد لوٹ آتی ہے میری شب کی عبادت خالی جانے کس عرش پہ رہتا ہے خدا شام کے بعد دن عجب مٹھی میں جکڑے ہوئے رکھتا ہے مجھے مجھ کو اس بات کا احساس ہوا شام کے بعد کوئی بھولا ہوا غم ہے جو مسلسل مجھ کو دل کے پاتال سے دیتا ہے صدا شام کے بعد مار دیتا ہے اجڑ جانے کا دہرا احساس کاش ہو کوئی کسی سے نہ جدا شام کے بعد فرحت عباس شاہ

وہی پھر مجھے یاد آنے لگے ہیں جنہیں بھولنے میں زمانے لگے ہیں سنا ہے ہمیں وہ بھلانے لگے ہیں تو کیا ہم انہیں یاد آنے لگے ہیں ہٹائے تھے جو راہ سے دوستوں کی وہ پتھر مرے گھر میں آنے لگے ہیں یہ کہنا تھا ان سے محبت ہے مجھ کو یہ کہنے میں مجھ کو زمانے لگے ہیں قیامت یقیناً قریب آ گئی ہے خمار اب تو مسجد میں جانے لگے ہیں خمار بارہ بنکوی

خوشبو جیسے لوگ ملے افسانے میں ایک پرانا خط کھولا انجانے میں جانے کس کا ذکر تھا اس افسانے میں درد مزے لیتا ہے جو دہرانے میں گلزار

یاد کرنا ہر گھڑی اس یار کا ہے وظیفہ مجھ دلِ بیمار کا آرزوئے چشمئہ کوثر نہیں تشنہ لب ہوں شربتِ دیدار کا ولی دکنی

اُس نے جب چاہنے والوں سے اطاعت چاہی ہم نے آداب کہا اور اجازت چاہی یونہی بیکار میں کب تک کوئی بیٹھا رہتا اس کو فرصت جو نہ تھی ہم نے بھی رخصت چاہی شکوہ ناقدریِ دنیا کا کریں کیا کہ ہمیں کچھ زیادہ ہی ملی جتنی محبت چاہی رات جب جمع تھے دکھ دل میں زمانے بھر کے آنکھ جھپکا کے غمِ یار نے خلوت چاہی ہم جو پامالِ زمانہ ہیں تو حیرت کیوں ہے ہم نے آبا کے حوالے سے فضیلت چاہی میں تو لے آیا وہی پیرہنِ چاک اپنا اُس نے جب خلعت و دستار کی قیمت چاہی حُسن کا اپنا ہی شیوہ تھا تعلق میں فرازؔ عشق نے اپنے ہی انداز کی چاہت چاہی احمد فراز

عشق کے الاؤ میں خود تو راکھ ہو گیا شہر بھی جلا دے کیا؟ چُپ ہے بیٹھا دیوانہ چھیڑتے ہو کیوں اس کو آسماں گرا دے کیا؟ سالک صدیقی

بھرم رکھا ہے ھم نے چاند کا ورنہ ارادہ تھا تیرا بازو پکڑ لیتے اور اس کے روبرو کرتے

نہ اب رقیب نہ ناصح نہ غم گسار کوئی تم آشنا تھے تو تھیں آشنائیاں کیا کیا جُدا تھے ہم تو میسّر تھیں قربتیں کتنی بہم ہوئے تو پڑی ہیں جدائیاں کیا کیا پہنچ کے در پہ ترے کتنے معتبر ٹھہرے اگرچہ رہ میں ہوئیں جگ ہنسائیاں کیا کیا ہم ایسے سادہ دلوں کی نیاز مندی سے بتوں نے کی ہیں جہاں میں خدائیاں کیا کیا ستم پہ خوش کبھی لطف و کرم سے رنجیدہ سکھائیں تم نے ہمیں کج ادائیاں کیا کیا فیض احمد فیض

کریں گے نقدِ حسرت کا شمار آہستہ آہستہ اتاریں گے تمنا کا ادھار آہستہ آہستہ یقیں میری وفا پر اُن کو آتے آتے آئے گا چھٹے گا بے یقینی کا غبار آہستہ آہستہ ابھرتا ہے کوئی چہرہ طلوعِ مہر کی صورت بناتا ہے مصور شاہکار آہستہ آہستہ تبسم دھیرے دھیرے ان کے ہونٹوں پر ابھرتا ہے وہ سنتے ہیں مِرے دل کی پکار آہستہ آہستہ شبِ غم چٹکیاں لیتی ہے انکی یاد رہ رہ کر ہلاتے ہیں وہ سازِ دل کے تار آہستہ آہستہ مِرا زخمِ تمنا بنتے بنتے پھول بنتا ہے اترتی ہے مِرے دل میں بہار آہستہ آہستہ زمانہ جبر کی صورت بدلتا ہے مگر کم کم عطا ہوتا ہے مجھ کو اختیار آہستہ آہستہ رہا ہے قرن ہا قرن آفتابِ ارتقا روشن رخِ ہستی پہ آیا ہے نکھار آہستہ آہستہ ابھی کچھ اور ایاز اشکوں سے اسکی آبیاری کر کہ پھل دیتا ہے نخلِ انتظار آہستہ آہستہ ایاز صدیقی

پیمان وفا اور ہے ، سامان جفا اور اس فتنہء دوراں نے کہا اور ، کیا اور تيور الگ ، انداز جدا ، ان کی ادا اور وه اور ہوا میں ہیں ، زمانے کی ہوا اور ترکیب کوئی ان کو منانے کی ہو کیا اور میں جتنا مانتا ہوں ، وه ہوتے ہیں خفا اور پی لیں جو کبھی شیخ تو پی پی کے پکاریں اے ساقیء مےخانہ ذرا اور ، ذرا اور محروم ہوا دین سے دنیا کی طلب میں نافہم نے کچھ اور ہی سوچا تھا ہوا اور پھولوں کی وہاں دھوپ ، یہاں سایہء وحشت گلستاں کی فضا اور ہے ، صحرا کی فضا اور انصاف ملے گا سر میدان قیامت ان کا نہ خدا اور ہے ، نہ میرا ہی خدا اور دیکھیں تو ذرا ہم بھی اسے اے ہمہء خوبی ہم جیسا وفادار کوئی ڈھونڈ کے لا اور چھوڑیں نہ محبت کو "نصیر" اہل محبت یہ شوق خطا ہے ، تو پھر ایک خطا اور پیر نصیرالدین نصیر

میری سوچوں کی ڈالی پر تمھاری یادوں کے پنچھی پروں کو کاٹ بیٹھے ہیں

جس نے مَر مَر کے گزاری ہو ، یہ اس سے پوچھو ہجر کی رات بھلا کتنی کڑی ہوتی ہے احمد راہی

دل عجب شہر کہ جس پر بھی کھُلا در اِس کا وہ مُسافر اِسے ہر سمت سے برباد کرے پروین شاکر

دردِ دل لکھوں کب تک، جاؤں ان کو دکھلا دوں انگلیاں فگار اپنی، خامہ خونچکاں اپنا مرزا غالب

Abhi Muntashir Na Ho Ajnabi, Na Wisaal K Karam Jata ! Jo Teri Talash Main Gum Hoye Kabhi Un Dino Ka Hisaab Kr Mere Sabar Pr Koi Ajar Kiya Meri Dopher Pe Ye Abar Kion? Mujhy Orhny Day Aziyatain Meri Adat Na Kharab Kr. ابھی منتشر نہ ہو اجنبی، نہ وصال رُت کے کرم جَتا! جو تری تلاش میں گُم ہوئے کبھی اُن دنوں کا حساب کر مرے صبر پر کوئی اجر کیا مری دو پہر پہ یہ ابر کیوں؟ مجھے اوڑھنے دے اذیتیں مری عادتیں نہ خراب کر

کبھی یاد آو تو اس طرح  کہ دل و نظر میں سما سکو  کبھی حد سے حبس جنوں بڑھے تو حواس بن کے بکھر سکو  کبھی کھل سکو شب وصل میں  کبھی خون دل میں سنور سکو سر رہگزر جو ملو کبھی نہ ٹھہر سکو ...نہ گزر سکو

ن لیگ والوں سے معذرت کے ساتھ۔۔۔۔۔۔۔ صرف مزاح کی حد تک میٹرک کے امتحان میں صرف پاس نمبرز لے کر بڑے بھائی نے چھوٹے بھائی کی طرف غور سے دیکھا-- بڑا بھائی : تم نے تو بورڈ میں ٹاپ کرنا تھا نا ؟؟؟ کہاں گیا وہ ہر وقت بڑی بڑی بڑھکیں مارنا اب! چھوٹا بھائی : جوش خطابت بھائی جوش خطابت . ( نواز شریف اینڈ شہباز شریف کے بچپن کی کتاب " میں اور میرا بھائی " 

ایک سردار ٹی وی لینے گیا ۔ دکاندار : سر جی یہ والا ٹی وی لیں ، اس کا ریموٹ ایسا ہے کہ گلی کی نکڑ سے بھی چینل بدل دیتا ہے ۔ سردار ایک ہفتے بعد ٹی وی واپس کرنے چلا گیا ۔ دکاندار نے پوچھا کہ کیا مسئلہ ہوا ؟ سردار : مسئلہ تے کوئی نئیں ، پر یار بندہ بار بار چینل بدلن واسطے گلی 

"شادی شدہ دوستوں کیلئے ایک خوبصورت بات" بیوی اگر غصہ کرنے لگے تو اُس کو صرف اتنا ہی کہہ دیں کہ بڑھاپے میں غصہ تو آ ہی جاتا ہے آئندہ غصہ کرنے سے پہلے ایک بار سوچے گی ضرور!!!

Zindgi Bhar Naa Hoa Khatam Qayamat Ka Azaab Hum Nay Her Saans Main Barpa Naya Mehshar Dekha زندگی بھر نہ ہوا ختم قیامت کا عذاب ہم نے ہر سانس میں برپا نیا محشر دیکھ

دل ہجر کے درد سے بوجھل ہے، اب آن ملو تو بہتر ہو اس بات سے ہم کو کیا مطلب، یہ کیسے ہو، یہ کیونکر ہو یہ دل ہے کہ جلتے سینے میں، اک درد کا پھوڑا الہڑ سا نہ گپت رہے، نہ پھوٹ بہے، کوئی مرہم ہو، کوئی نشتر ہو ہم سانجھ سمے کی چھایا ہیں، تم چڑھتی رات کی چندرما ہم جاتے ہیں، تم آتے ہو، پھر میل کی صورت کیونکر ہو اب حسن کا رتبہ عالی ہے، اب حسن سے صحرا خالی ہے چل بستی میں بنجارہ بن، چل نگری میں سوداگر ہو وہ راتیں چاند کے ساتھ گئیں، وہ باتیں چاند کے ساتھ گئیں اب سکھ کے سپنے کیا دیکھیں، جب دکھ کا سورج سر پر ہو‌ اب انشاء جی کو بلانا کیا، اب پیار کے دیپ جلانا کیا جب دھوپ اور چھایا ایک سے ہوں، جب دن اور رات برابر ہوں

لئے تو چلتے ہیں حضرتِ دل تمہیں بھی اُس انجمن میں ،لیکن ہمارے پہلو میں بیٹھ کر تم ہمیں سے پہلو تہی نہ کرنا نہیں ہے کچھ قتل ان کا آساں، یہ سخت جاں ہیں برے بلا کے قضا کو پہلے شریک کرنا، یہ کام اپنی خوشی نہ کرنا ہلاک اندازِ وصل کرنا کہ پردہ رہ جائے کچھ ہمارا غم ِجُدائی میں خاک کر کے کہیں عدو کی خوشی نہ کرنا مری تو ہے بات زہر اُن کو، وہ اُن کی مطلب ہی کی نہ کیوں ہو کہ اُن سے جو التجا سے کہنا ، غضب ہے اُن کو وہی نہ کرنا

ایک عالم نے ایک بڑھیا کو چرخہ کاتتے دیکھ کر فرمایا کہ بڑھیا! ساری عمر چرخہ ہی کاتا یا کچھ اپنے خدا کی بھی پہچان کی ؟ بڑھیا نے جواب دیا کہ بیٹا سب کچھ اِسی چرخہ میں دیکھ لیا، فرمایا بڑی بی! یہ تو بتاؤ کہ خدا موجود ہے یا نہیں ؟ بڑھیا نے جواب دیا کہ ہاں ہر گھڑی اور رات دن ہر وقت خدا موجود ہے ، عالم نے فرمایا مگر اس کی دلیل ؟ بڑھیا بولی، دلیل یہ میرا چرخہ، عالم نے پوچھا یہ کیسے ؟ وہ بولی وہ ایسے کہ جب تک میں اس چرخہ کو چلاتی رہتی ہوں یہ برابر چلتا رہتا ہے اور جب میں اسے چھوڑ دیتی ہوں تب یہ ٹھہر جاتا ہے تو جب اس چھوٹے سے چرخہ کو ہر وقت چلانے والے کی ضرورت ہے تو زمین و آسمان ، چاند ، سورج کے اتنے بڑے چرخوں کو کس طرح چلانے والے کی ضرورت نہ ہوگی، پس جس طرح میرے کاٹھ کے چرخہ کو ایک چلانے والا چاہیے، اسی طرح زمین و آسمان کے چرخہ کو ایک چلانے والا چاہیے جب تک وہ چلاتا رہے گا یہ سب چرخے چلتے رہیں گے اور جب وہ چھوڑ دے گا تو یہ ٹھہر جائیں گے مگر ہم نے کبھی زمین و آسمان ، چاند سورج کو ٹھہرے نہیں دیکھا تو جان لیا کہ ان کا چلانے والا ہر گھڑی موجود ہے  

کبھی بارش برستی ہے  تو مجھ کو یاد آتا ہے   وہ اکثر مجھ سے کہتا تھا   محبت ایک بارش ہے سبھی پہ جو برستی ہے   مگر پھر بھی نہیں ہوتی   سبھی کے واسطے یکساں   کسی کے واسطے راحت   کسی کے واسطے زحمت ، میں اکثر سوچتی ہوں اب وہ مجھ سے ٹھیک کہتا تھا   محبت ایک بارش ہے سبھی پہ جو برستی ہے   کبھی مجھ پہ بھی برسی تھی   مگر میری لیے بارش کبھی نہ بن سکی رحمت   یہ راحت کیوں نہیں بنتی ؟ کبھی میں خود سے پوچھوں تو   یہ دل دیتا دہائی ہے ، کبھی کچے مکانوں کو بھی بارش راس آئی ہے ؟

یقین کی آخری حد تک یقین ہے اور دعویٰ بھی کہ رخصت کرکے بھی اکثر نظر کی آخری حد تک مجھے وہ دیکھتا ہوگا ... مگر اتنے یقین کے بعد بھی میں نے کبھی مڑ کر نہیں دیکھا بس ایک مبہم سا ڈر سا ہے کہیں ایسا نہ ہو جائے پلٹ کر میں اسے دیکھوں تو واپس جا چکا ہو وہ

تجھ سے ملتے ہی بھلا دیتے زمانے بھر کو ھم اگر ہوتے نہ اوقات میں رہنے والے . Tujh se milty hi bhula dety zamany bhar ko Ham ager hoty na auqaat mein rehny waley

بھرم رکھا ہے ھم نے چاند کا ورنہ ارادہ تھا تیرا بازو پکڑ لیتے اور اس کے روبرو کرتے

ایک مرغی کوقتل کریں تیل میں اسے غسل دیں پھردہی کاسفید کفن دیں شان مصالحےسےخوشبو کی دھونی دیں اسکے بعدچاول میں اسکی قبربنائیں جب تیارہوجاۓ توپھر مجھ کو دعوت دیں تاکہ اسکی مغفرت کی دعا کی جاسکے

ایک مرد نے اپنی بیوی سمجھ کر ایک راہ چلتی خاتون کا ہاتھ پکڑ لیا مگر فوراً ہی اسے اپنی غلطی کا احساس ہو گیا . وہ جلدی سے ہاتھ چھوڑ کر بولا . " معاف کیجیے گا محترمہ ! محض اپنی غلط فہمی کی بنا پر میں آپ کو اپنی بیوی سمجھ بیٹھا تھا . " قسمت پھوٹ گئی ہوگی اس عورت کی ، جسے تم جیسا بے وقوف اور بد صورت شوہر نصیب ہوا . کبھی آئینہ میں اپنی شکل دیکھی ہے . کالا منه ، فضول قسم کے کپڑے اور آنکھیں تو ایسی سرخ ہیں جیسے نشہ کیا ہو . " " خدا کی پناہ . . . ! محترمہ آپ کی صورت ہی نہیں بلکہ گفتگو بھی میری بیوی جیسی ہے *......................*

ایک کسان نے اپنے دس کے دس بچوں کو ایک قطار میں کھڑا کیا ہوا تھا۔ اور ان سے تفتیش ہورہی تھی کہ " بتاؤ چھت پر رکھے ڈرم کو کس نے دھکا دے کر سیڑھیوں سے نیچے گرایا ؟ " کسی بچے نے کوئی جواب نہ دیا۔ کسان نے پھر زور دے کے پوچھا۔" ڈرم کو کس نے دھکا دے کر سیڑھیوں سے نیچے گرایا تھا؟" ایک بار پھر کسی نے جواب نہ دیا۔ کسان نے کہا۔ " ٹھیک ہے ۔ میں ایک کہانی سناتا ہوں ۔ ایک تھا بادشاہ اور ایک تھا اس کا بیٹا شہزاد...ہ۔ ایک دن شہزادے نے کلہاڑے سے بادشاہ کا پسندیدہ انار کا درخت کاٹ دیا۔ بادشاہ کو پتہ چلا تو اس نے سب سے پوچھا کہ درخت کس نے کاٹا ؟۔ شہزادے نے سچ بولا کہ اس نے درخت کاٹا۔ بادشاہ اس کے سچ بولنے پر خوش ہوا اور اس کو کوئی سزا نہ دی۔ اور اس کو معاف کردیا۔ اب بتاؤ کہ ڈرم کو دھکا کس نے دیا تھا؟ " یہ سن کر سب سے چھوٹا بیٹا بول پڑا کہ ڈرم کو اس نے دھکا دیا تھا۔ کسان نے آگے بڑھ کر بیٹے کو دو تین تھپڑ لگا دیے ۔ تھپڑ کھا کر معصوم بیٹا رونے لگ گیا اور اپنے سرخ انار جیسے گال سہلاتا ہوا بولا ۔ " شہزادہ سچ بولا ، اس کو سزا نہیں ۔ میں سچ بولا تو مجھے سزا کیوں؟ ...

دو بچوں کی انتہائی تمیزدار و تہذیب دار لکھنؤ سٹائل کی لڑائی پہلا: دیکھیں اگر آپ ہماری بات نہیں مانیں گے تو ہم آپ کے والد محترم کی شان میں گستاخانہ کلمات پیش کر دیں گے۔ دوسرا: تو حضور پھر ہم بھی آپ کے رخسار مبارکپر ایسا طمانچہ بجا لائیں گے کہ گال گلاب کی مانند چمکنے لگیں گے۔ پہلا: تو آپ کیا سمجھتے ہیں کہ ہم نے ہاتھوں میں چوڑیاں پہن رکھی ہیں دوسرا: اجی چوڑیاں نہیں پہنی ہوئیں تو اتنی کھنکھناتی آواز کیوں ہو رہی ہے آپ کی؟ پہلا: دیکھیں اب آپ حد عبور کر رہے ہیں. ایسا نا ہو کہ ہم ایک چماٹ آپ کے چہرہ مبارک پر دھر دیں اور بوجہ ہمارے نشانِ دست آپ لوگوں سے اپنا چہرہ چھپانے پر مجبور ہوں پہلا : اگر ہم برداشت کر رہے ہیں تو اس کا یہ مطلب ہرگز مت لیجئے کہ آپ کو لب کشائی کی پوری پوری آزادی ہے. ہاتھ ہمارے بھی الحمدللہ کوئی بندھے ہوئے نہیں ہیں دوسرا: ہاں ہاتھ تو آزاد ہوں گے لیکن عقل پر ضرور گرہ لگی ہوئی ہے

اب تیری یاد سے وحشت نہیں‌ہوتی مجھ کو زخم کھلتے ہیں پر ازیت نہیں ہوتی مجھ کو اب کوئی آئے چلا جائے میں خوش رہتا ہوں اب کسی شخص کی عادت نہیں ہوتی مجھ کو ایسے بدلہ ہوں تیرے شہر کا پانی پی کر جھوٹ بولوں تو ندامت نہیں‌ ہوتی مجھ کو ہے امانت میں‌خیانت سو کسی کی خاطر کوئی مرتا ہے تو حیرت نہیں‌ہوتی مجھ کو محسن نقوی

کاش ہم کھل کے زندگی کرتے! عمر گزری ہے خودکشی کرتے! بجلیاں اس طرف نہیں آئیں ورنہ ہم گھر میں روشنی کرتے کون دشمن تری طرح کا تھا؟ اور ہم کس سے دوستی کرتے؟ بجھ گئے کتنے چاند سے چہرے دل کے صحرا میں چاندنی کرتے عشق اجرت طلب نہ تھا ورنہ ہم ترے در پہ نوکری کرتے اس تمنا میں ہو گئے رسوا ہم بھی جی بھر کے عا شقی کرتے حسن اس کا نہ کھل سکا محسن تھک گئے لوگ شاعری کرتے

عشق میں تیرے کوہِ غم سر پہ لیا، جو ہو سو ہو عیش و نشاطِ زندگی چھوڑ دیا، جو ہو سو ہو عقل کے مدرسے سے اُٹھ عشق کے میکدے میں آ جامِ فنا و بےخودی اب تو پی آ، جو ہو سو ہو ھجر کی جو مصیبتیں عرض کیں اُس کے رو بہ رو ناز و ادا سے مسکرا، کہنے لگا، جو ہو سو ہو ھستی کے اِس سراب میں رات کی رات بس رہے صبحِ عدم ہوا نمو ، پاؤں اُٹھا، جو ہو سو ہو

ہم انسان کس قدر بھولے اور نازک ہوتے ہیں۔۔ کتنی جلدی رشتوں کے کومل دھاگے اپنی روح کے ریشوں سے جوڑ لیتے ہیں۔ شاید ہم اسی لیے پل پل توٹتے اور جڑتے رہتے ہیں۔۔ اللہ نے ہمارے اندر احساس نام کا یہ جو جذبہ رکھا ہے یہ ہمیں کسی کروٹ چین نہیں لینے دیتا، اک آس ٹوٹتی ہے تو دوسری جنم لے لیتی ہے۔ ہاشم ندیم کے ناول " عبداللہ " سے اقتباس